Fiskeri- og havministeren til Nor-Fishing 17.–20. august

- Nor-Fishing er ein svært viktig møteplass for fiskeri- og sjømatnæringa. Med deltakarar frå over 50 land er messa ein sentral arena for ny teknologi, innovasjon og internasjonalt samarbeid, samtidig som den viser fram norsk kompetanse og verdiskaping, seier fiskeri- og havminister Marianne Sivertsen Næss.

Arbeidet med ein framtidsretta sjømatindustri er ein av hovudprioriteringane til fiskeri- og havministeren. Under Nor-Fishing inviterer fiskeri- og havministeren til dialogmøte tysdag 18. august, der statsråden ber om innspel til korleis fiskerireguleringane kan formast ut for å styrkja sjømatindustrien. Det krevst ikkje påmelding for å lytta til innspelsmøtet.

Fiskeri- og havministeren skal også ha politiske samtalar med dei politiske kollegaene sine frå Storbritannia og Irland under messa.

Sjå: Fiskeri- og havministeren inviterer til dialogmøte under Nor-Fishing - regjeringen.no

I tillegg til å delta på Nor-Fishing vil fiskeri- og havministeren besøke Maritime Robotics AS og halde eit innspelsmøte om regjeringa sin maritime strategi i Trondheim torsdag 20. august. Innspelsmøtet er eitt av fleire møte statsråden gjennomfører rundt om i landet i samband med strategiarbeidet.  

Program for fiskeri- og havministeren (atterhald om endringar)

Måndag 17. august

16.15–16.45 | Bilateralt møte med Storbritannia

Fiskeri- og havministeren møter parlamentarisk statssekretær Stephen Morgan frå Department for Environment, Food and Rural Affairs.

Stad: Clarion Hotel

18.00–19.30 | Mottaking i regi av Trondheim kommune

Stad: Trondheim rådhus

Tysdag 18. august

08.15–09.45 | Frukostmøte: Regional verdiskaping

Fiskeri- og havministeren innleier og deltek i samtale om rammevilkåra for sjømatnæringa og betydninga sjømat har for norsk og global matforsyning.

Stad: SpareBank 1 SMN, Søndre gate 2

10.15–10.45 | Bilateralt møte med Irland

Fiskeri- og havministeren møter minister for fiskeri- og marine saker, Timmy Dooley.

Stad: Nor-Fishing-messa, møterom Kalvskinnet

11.30 | Offisiell opning av Nor-Fishing 2026

Fiskeri- og havministeren står for den offisielle opninga av Nor-Fishing.

Held opningstale og deler ut innovasjonsprisen til Nor-Fishing.

Stad: Mendelsohn, Trondheim Spektrum

12.20–12.50 | Runde på messeområdet

Statsråden deltek på omvising på messeorådet saman med internasjonale gjester.

Stad: Messeområdet, Trondheim Spektrum

15.00–16.30 | Dialogmøte om sjømatindustrien

Tema: reguleringar, verdikjeda og kvalitet i sjømatindustrien.

Stad: Møterom Sagbruket Ytre, Trondheim Spektrum

17.30–19.00 | Seminar i regi av Sjømat Norge

Statsråden deltek i open samtale om aktuelle tema for sjømatnæringa.

Stad: Rockheim

Onsdag 19. august

09.15–10.00 | Nor-Fishing Youth

Statsråden møter ungdom som deltek i Nor-Fishing sitt rekrutterings- og kompetanseprogram.

Stad: Skansen

10.00–10.30 | Utdeling av prisen «Trygg fiskar»

Deltaking under prisutdeling i regi av Redningsselskapet.

Stad: Skansen

12.20–12.55 | Fiskeridebatt: Sjømaten si rolle i norsk matvareberedskap

Statsråden deltek i paneldebatt og held innlegg.

Stad: Mendelsohn konferansesal, Trondheim Spektrum

14.00–14.30 | Nordea-seminar: «Mindre fisk, høgare prisar»

Om rammevilkår for norsk fiskerinæring og utfordringar knytte til låge kvotar.

Stad: Scandic Nidelven Hotel