Presseinvitasjon: Samferdselsministeren til Kongsberg tysdag 14. april

Journalistar og fotografar er velkomne til å dekkje besøket. Programmet ser slik ut:  

Kl 11.00-12.45: Teknologiparken  
Kl. 11.00: Oppmøte ved hovudinngangen i Kirkegårdsvegen 45. Spasertur med ordførar Line Spiten og hennar følgje til Steenstrupsbygninga.

Kl. 11.15: Velkomen til Kongsberg
Ved ordførar Line Spiten.  

Kl. 11.25: Kongsbergindustrien – omfang og samfunnsrolle 
Velkomen til Kongsberg Teknologipark – med innlegg frå Kongsberg Gruppen, Kongsberg Maritime, Technip FMC og GKN.

Kl. 12.30: Kvifor investere i Kongsberg?
Om behovet for transportinfrastruktur for vekst. Ved Håvard Fossbakken, leiar i Vekst for Kongsberg.

Kl. 12:45-14.00: Rundtur i Teknologiparken og Arsenalet
Felles transport i buss frå Steenstrupbygninga, med omvising av administrerande direktør Hans Petter Blokkum i Kongsberg Teknologipark.

Kl. 14.00-15.30: Fagskulen i Viken
Bussturen blir avslutta ved fagskulen, Hasbergs vei 36.   

Kl. 14.00-14.30: Oppsummering – korleis nå felles mål? 
Med utgangspunkt i veksten, betydinga for norsk industri og Noregs beredskap, korleis finn vi løysingar lokalt og nasjonalt som sikrar nødvendig infrastruktur til Kongsberg?

Kl. 14.30-15.30: Kompetanse for vekst 
Fagskulen i Viken presenterer sitt arbeid på Kongsberg og nasjonalt. Fagskulemiljøet på Kongsberg arbeider tett med industrien og utviklar kompetanseprogram som er avgjerande for industriutviklinga.

Journalistar og fotografar som vil delta, må ha med seg gyldig legitimasjon. I Arsenalet er det krav om pass.

Presse må på førehand melde seg på til Håvard Fossbakken, leiar i Vekst i Kongsberg – e-post: havard.fossbakken@kongsberg.kommune.no, tlf.nr.: 971 54 331.

 Samferdselsminister Nygårds kontaktperson på turen er kommunikasjonsrådgjevar Edvard Andersen – e-post: Edvard-N.Andersen@sd.dep.no, tlf.nr.: 90511667.

Vel møtt!