Avinor sine trafikktal for mars: Fleire flyr – utanlandstrafikken driv veksten i mars

Talet på utanlandsreisande auka med 6,4 prosent i mars samanlikna med fjoråret, medan talet på innanlandsreisande steig med rundt 2 prosent. Totalt viser tala at fleire reiser både innanlands og til utlandet.

Høgare passasjertal og færre flyrørsler

Sjølv om passasjertala for alle Avinor sine lufthamner auka i mars, gjekk talet på flyrørsler noko ned. I mars blei det registrert om lag 58 400 flyrørsler, ein reduksjon på rundt 2,4 prosent samanlikna med fjoråret. Dette indikerer at flya i gjennomsnitt hadde fleire passasjerar per avgang enn tidlegare og dermed høgare kabinfaktor.

– Tala for mars viser ei vidare utvikling i passasjertala, særleg driven av internasjonale reiser. Flygingar til Midtausten har vore sterkt påverka i mars, men i dei overordna tala er ikkje dette synleg, noko som tyder på at trafikken til dels har flytta seg. Samstundes ser vi at innanriksmarknaden har ei jamn utvikling, seier Gaute Skallerud Riise, direktør trafikkutvikling i Avinor.

Passasjertala førebels lite påverka av krig i Midtausten

Passasjertala for mars synes å vere lite påverka av krigsutbrottet i Midtausten. Samstundes må vi legge til grunn at mykje av trafikken og billettsalet var gjort før krigshandlingane starta og drivstoffsituasjonen endra seg dramatisk. Avinor følgjer utviklinga tett. Me legg til grunn at både uavklart sikkerheitspolitisk situasjon og potensielt høge drivstoffprisar framover, vil kunne påverke reiseaktiviteten.

Bergen lufthamn med sterkaste vekst blant dei største lufthamnene

Bergen lufthamn Flesland hadde i mars den sterkaste passasjerveksten blant landets største lufthamner. Over 541 000 passasjerar reiste via Bergen i løpet av månaden, noko som er nær 6 prosent fleire enn i mars i fjor.

Veksten var særleg høg blant utanlandsreisande, som auka med meir enn 13 prosent, medan talet på innanlandsreisande òg hadde ein tydeleg oppgang. Dermed styrkjer Bergen si rolle som ei sentral lufthamn for både Vestlandet og internasjonale reiser.

– Utviklinga i Bergen speglar både auka internasjonal etterspurnad og jamn aktivitet i innanriksmarknaden. Det gir eit godt bilete av trafikkmønsteret i regionen, seier Skallerud Riise.

Her er tal frå dei største lufthamnene (DSL) og dei regionale lufthamnene (DRL):

	Mars			Hittil i år
Lufthamn	2025	2026	Endring	2025	2026	Endring
Oslo	2 104 000	2 166 000	3 %	5 654 000	5 827 000	3 %
Bergen	511 000	535 000	5 %	1 368 000	1 415 000	3 %
Trondheim	366 000	354 000	-4 %	941 000	932 000	-1 %
Stavanger	322 000	325 000	1 %	862 000	868 000	1 %
Sum DSL	3 302 000	3 380 000	2 %	8 825 000	9 041 000	2 %
Tromsø	294 000	307 000	5 %	838 000	934 000	11 %
Andre DRL	671 000	714 000	6 %	1 789 000	1 896 000	6 %
Sum DRL	965 000	1 021 000	6 %	2 627 000	2 829 000	8 %
Avinor sum	4 267 000	4 402 000	3 %	11 452 000	11 871 000	4 %

Flyselskapa startar opp sommaren med kjente og fleire nye destinasjonar

Siste helga i mars markerer overgangen til flyselskapa sine sommarprogram, noko som medfører auka aktivitet ved flyplassane våre. I tillegg til fleire avgangar og tilbakekomst av kjente sommardestinasjonar, byr sommarprogrammet i år også på fleire nye destinasjonar. Det er gledeleg å sjå at ruteprogrammet blir utvida til glede for privatpersonar, reise- og næringsliv i heile landet, held Skallerud Riise fram.

Fra	Til	Flyselskap	Oppstart
Alta	Kittilä /Helsinki	Finnair	April
Bergen	Gran Canaria	Norwegian	April
Bergen	Wien	Austrian Airlines	Juni
Bergen	Palanga	Norwegian	April
Bergen	Szczecin	Wizz Air	April
Bergen	Budapest	Wizz Air	April
Bergen	Warszawa Modlin	Wizz Air	April
Bodø	Frankfurt	Discover Airlines	Mai
Harstad/Narvik	München	Discover Airlines	Mai
Oslo	Vlore	Sunclass	Juli
Oslo	Tangier	Norwegian	Juni
Oslo	Cluj-Napoca	Norwegian	Juni
Oslo	Lamezia Terme	Norwegian	Mai
Oslo	Bratislava	Wizz Air	April
Oslo	Szczecin	Wizz Air	April
Stavanger	Gran Canaria	Norwegian	April
Stavanger	Warszawa	LOT- Polish Airlines	April
Stavanger	Stockholm /Helsinki	Finnair	April
Tromsø	Rovaniemi	Icelandair	April
Trondheim	Frankfurt	Lufthansa	Mai

Droneflyging aukar om våren
I mars vart 2316 droneplanar registrerte. Dette er ein auke på 2 prosent frå mars i fjor, og heile 800 fleire enn i februar.

– Fleire flyg drone når veret blir betre, difor ser ein at tala aukar rundt påske. Vi veit òg at sommaren er høgsesong for droneflyging, seier Mats Gjertsen, leiar for Avinor sitt droneprogram.

– Vi er glade for at mange flyg drone lovleg, og oppmodar alle om å halde fram med dette når vi går mot lysare dagar og endå betre droneforhold, avsluttar Gjertsen.