Pippi på sirkus i Relæxt versjon
12.3.2026 07:00:00 CET | Det Norske Teatret | Pressemelding
2. juni skal Det Norske Teatret for første gong tilby teater i såkalt Relæxt ramme.
- Vi veit at det er familiar som skammar seg eller er redde for å øydelegge for andre når dei går på kulturarrangement. Derfor er det fantastisk å kunne tilby Pippi på sirkus i "relæxt" utgåve! seier teatersjef Kjersti Horn.
Relæxt teater er for alle, men er spesielt tilpassa barn, vaksne og familiar som synest det er utfordrande å vere med på ordinære framsyningar. Det kan anten vere fordi dei er spesielt vare for inntrykk, eller fordi dei kan vere redde for å forstyrre opplevinga for andre. Pippi på sirkus - Relæxt vil vere spesielt tilpassa dei som har ulike behov.
- Eg opplever sjølv ofte at kvardagslege ting ikkje passar meg, og veit kor viktig dette er. Derfor er eg ekstra glad og stolt over å kunne tilby Relæxt her på Det Norske Teatret, seier Kjersti Horn.
Ho legg til at ho ønskjer at teateret skal vere ein plass alle kjenner seg velkommen alle dagar året rundt, men understrekar at:
- Denne dagen skal huset seie ekstra mykje velkommen!
Kva er Relæxt teater?
Før teaterbesøket 2. juni vil publikum motta grundig informasjon og ein visuell guide på e-post, slik at dei kan førebu seg godt på kva som ventar. Inne i foajeen vil det vere Relæxt-sonar der ein kan slappe av, eller springe rundt, etter kva ein måtte ønskje.
- Lyset inne i salen vil vere dempa, men ikkje heilt slått av, slik vi brukar på teater. I tillegg vil lydnivået også vere tilpassa publikum denne dagen, forklarar Horn.
Det vil også vere fleire vertar enn vanleg tilstades for å hjelpe, og dørane vil vere opne under heile framsyninga så publikum kan gå inn og ut etter eige ønskje. Framsyninga varar i ein time og 30 minutt utan pause.
Hysj-fri sone
- Det aller viktigaste er at det skal vere lov til å snakke høgt, le, gråte, tikse, hoppe, rope, eller berre vere heilt stille, seier teatersjef Kjersti Horn.
- Det einaste vi ber om, er at ingen hysjar på nokon denne dagen.
PIPPI PÅ SIRKUS - RELÆXT
TYSDAG 2. JUNI KL. 17.00
HOVUDSCENEN
DET NORSKE TEATRET
Les meir om Relæxt Pippi på sirkus på nettsidene til Det Norske Teatret.
Kontakter
Ida MichaelsenInformasjonssjef
Tel:414 45 345ida@detnorsketeatret.noÅsne Dahl TorpInformasjonsrådgjevar
Tel:986 23 573aasne@detnorsketeatret.noBilder
Følg pressemeldinger fra Det Norske Teatret
Registrer deg med din e-postadresse under for å få de nyeste sakene fra Det Norske Teatret på e-post fortløpende. Du kan melde deg av når som helst.
Siste pressemeldinger fra Det Norske Teatret
Frankenstein: Grøssar-teater for barn21.9.2026 07:00:00 CEST | Pressemelding
Feil Teater har gjennom ei årrekkje vist at dei har god teft når det gjeld å lage teater som treffer dei yngre målgruppene. No har dei tatt ein sjanse, når dei lagar skikkeleg skummelt teater med groteske skrekk-element. Blir publikum sittande?
Er Y2K-nostalgien farleg?3.9.2026 07:00:00 CEST | Pressemelding
Magetoppar, låge bukser og hits frå tidleg 2000-tal er igjen moderne. Folk kjøper CDar og DVDar og byter ut smart-telefon med knappetelefon for å logge av ein stressande kvardag. Tani Dibasey, Io Sivertsen og gjengen bak teaterframsyninga - eller kinofilmen - 2002 ntoro yume tek skrittet fullt ut og gjenskapar nokre av filmane som prega 2000-talet. Men er romantiseringa av fortida eigentleg sunn?
Khemiris suksessroman i storformat31.8.2026 07:00:00 CEST | Pressemelding
Jonas Hassen Khemiris storverk Søstrene spinn ut frå nyttårsaftan 2000 og følger tre søstrer gjennom fest, kvardag og nederlag. I 2025 kåra The New York Times romanen som ein av dei ti beste bøkene det året. Eit sterkt skodespelarlag skal no formidle den rike historia som får urpremiere på Hovudscenen 5. september.
Europavisjonar inviterer publikum til å synge med20.8.2026 12:39:43 CEST | Pressemelding
22. september kan publikum stemme i med Merkels versjon av Euphoria, Putins Cha Cha Cha eller alle dei europeiske statsleiaranes Bara bada badstu.
Strømdahl, Ånnevik og Sørum tolkar Prøysen19.8.2026 07:00:00 CEST | Pressemelding
Nokre av landets fremste Prøysen-tolkarar løfter fram nye sider ved den folkekjære låtskrivaren og artisten i det som har blitt ei varm og sterk musikkteateroppleving.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom