Finnmark: Endeleg oppstart for E45 Kløfta

– Prosjektet skal gi tryggare og meir føreseieleg framkome på ei rasutsett og trafikktryggleiksmessig krevjande strekning. Vegen er ei viktig transportåre for tungtrafikk mellom Finnmark og utlandet, seier samferdselsminister Jon-Ivar Nygård.

Ny veg betrar beredskapen i nord

Den endelege utbygginga omfattar totalt ein 4,2 kilometer lang tunnel, 2,2 kilometer ny veg i dagen og ei 105 meter lang bru over Eibyelva. Når prosjektet står ferdig, vil eit rasfarleg parti bli erstatta med ei moderne og robust løysing som styrkjer både trafikksikkerheita, beredskapen og transportmoglegheitene for næringslivet.

Prosjektet er ein del av regjeringa si strategiske satsing på riksvegnettet i nord, og bidreg til auka samfunnstryggleik, betre framkome for utrykkingskøyretøy og trygg transport av livsviktige varer – både innalands og til utlandet.

– Med utbygginga ved Kløfta får vi ein tryggare og meir føreseieleg veg som styrkjer beredskapen, næringslivet og sambandet til nabolanda våre, seier samferdselsminister Jon-Ivar Nygård.

Kontrakt E1 er tildelt Anlegg Nord AS frå Alta, som skal utføra førebuande arbeid nord i prosjektområdet. Vidare entreprisar for tunnel og bru er under prosjektering og er planlagde lyst ut i 2026 og 2027.