Gazaliv og Palestinaprogram

GAZALIV
av og med Marte Heian-Engdal
PREMIERE TORSDAG 12. FEBRUAR KL. 19.00
SCENE 3

Gjennom det iscenesette foredraget Gazaliv vil publikum få innblikk i ein av verdas mest langvarige og fastlåste konfliktar. Marte Heian-Engdal, historikar og ein av Noregs mest anerkjende ekspertar på konflikten mellom Israel og Palestina, fortel historia om bonden Abdul Malik og familien hans i byen Yibna, som ligg i det britisk-kontrollerte området som heiter Palestinamandatet.

På scenen står Marte Heian-Engdal sjølv, i lag med skodespelar Vetle Bergan og musikar Peter Baden. Regien er ved Ingrid Weme Nilsen.

Palestinaprogrammet

I samband med oppsetjinga av Gjenferdet inn av Isabella Hammad, blir Scene 3 i perioden fram mot påske dedikert til ei undersøking av dei store spørsmåla om Midtausten. Kva er det historiske bakteppet for krigen mellom Israel og Palestina? Korleis skal verda reagere på den endelause straumen av grufulle nyheiter frå Gaza?

Det Norske Teatret har invitert ulike aktørar, ekspertar, kunstnarar, komikarar og journalistar til ulike arrangement som vil kaste lys over mange sider av konflikten. Det blir også barneteater, filmvising og trommekurs for barn!
Sjå heile programmet her.