8,7 millionar kroner til kulturmiljø på kysten og i landbruket

– Bruk er det beste vern for kulturminne og kulturmiljø. Det er fantastisk å sjå at det er så mykje aktivitet langs kysten og i landbruket, og det er gode prosjekt som no får støtte gjennom denne tilskotsordninga. Det styrkjer kulturarven vår, seier klima- og miljøminister Andreas Bjelland Eriksen.

Tilskota skal auke bruk, samarbeid, kunnskap, formidling og heve kompetanse. Prosjekt som støttar opp om bevaringsstrategiane til regjeringa for kulturmiljøet på kysten og kulturmiljøet i landbruket har vorte prioritert i tildelinga. Riksantikvaren har fått 107 søknader på til saman 49,2 millionar kroner til denne tilskotsposten for verdiskaping i denne omgangen.

–  Søknadene er oppfinnsame og opnar for å samle kunnskap om korleis vi kan vareta og formidle kulturarven framover. Tilskota skal leggje til rette for å løfte i flokk og få ein samla effekt som kjem fellesskapen til gode. Vi vil ta vare på område med historisk sus som alle i Noreg skal kunne oppleve, seier riksantikvar Hanna Geiran.

Gir 5,4 millionar til kulturmiljø på kysten

– I år gir vi 5,4 millionar til totalt 19 prosjekt blant mange gode søknader frå kysten, seier riksantikvar Hanna Geiran.

Riksantikvaren har fått 72 søknader om tilskot på til saman 36 millionar kroner til prosjekt knytte til kysten. Det er stor variasjon i prosjekta som får tilskot, både i storleik og tematikk.

– Naust og sjøhus er prioritert. Det er også prosjekt som tek for seg arkeologi. Dette er kulturminne som er trua, og det er derfor gledeleg at vi har fått så mange gode søknader som sørgjer for ny bruk og kompetanseutvikling. Nivået på søknadene i år var svært høgt, seier Geiran.

Gir 3,3 millionar til kulturmiljø i landbruket

Riksantikvaren har fått 35 søknader om tilskot til kulturmiljø i landbruket, på til saman 13,2 millionar kroner som samla søknadssum.

Nær 3,3 millionar kroner er fordelte til 13 ulike prosjekt som dreier seg om å vareta historiske kulturmiljø frå både landbruk, skog og seterdrift.

Prosjektet «Til Vipetangen!» i Trøndelag skal flytte heile landbrukseigedommar frå Ørlandet til Brekstad, som ein del av ein ny bydel.

Det landsdekkjande prosjektet «Lys i gamle hus» får støtte til arbeidet med alle typar bygningar som er gått ut av tidlegare bruk.

–Kulturarv kan vere nøkkelen til nyutvikling! Det kan gi gode ringverknader når gamle kulturminne får nytt liv, seier riksantikvar Hanna Geiran.

–Vi har prioritert fleire prosjekt som samlar kunnskap om mogleg ny bruk av bygningar frå ei anna tid, og prosjekt som legg til rette for samhandling. Det opnar for å bevare heilskapen i kulturmiljø i landbruket. Til dømes er materiale i tre av kvalitetsvirke på sikt avgjerande for å ta vare på dei historiske bygningane våre, seier Geiran.

 

Kulturmiljø som ressurs

Tilskuddsmidlene for næringar og industriars kulturmiljø, og for bygder og byars kulturmiljø, blir lyste ut i løpet av våren 2026.

Verdiskapingsmidlane er tilskot frå Riksantikvaren, som skal støtte prosjekt der kulturmiljø blir brukt som ein ressurs for lokal utvikling, næring, kunnskapsbygging og berekraft.

Tilskotet i statsbudsjettet for 2026 er på 20,4 millionar kroner.

------------------------------------------------------------------------------------------------------------------------

Tildelingar:

Tilskot til kulturmiljøet i landbruket

Prosjekt	Tilskot i kroner	Søkar	Fylke
Til Vipetangen	500 000	Trøndelag fylkeskommune	Trøndelag
Lys i gamle hus	800 000	Fortidsminneforeningen	Landsdekkende
All den steinen - tørrmuring	58 000	Stiftinga Stemnebø Ting	Vestland
Skjøtsel Havrå	165 000	Museumssenteret i Hordaland (MUHO)	Vestland
Regionale lagre for tremateriale i bygningsvernet	300 000	Innlandet fylkeskommune	Innlandet
Materialbank trevirke Kaupangerskogene	300 000	Kaupanger Hovedgård	Vestland
Ormobstad arveskog	200 000	Ormbostad samlingar STI	Møre og Romsdal
Fjordens grønne arv	74 000	Verdsarven Urnes, Luster kommune	Vestland
Levende seterkultur på Grøset	130 000	Hans Tore Ulberg, lokalisert i Sigdal kommune	Buskerud
Setre i soloppgang	300 000	Indre Fosen kommune	Trøndelag
Førsvoll sauehus	125 000	Myrveien Vekst AS	Rogaland
Besøksstrategi skogbrukets kulturmiljø	200 000	Innlandet fylkeskommune	Innlandet
Liastølen som kulturmiljø og formidlingsarena	100 000	Øystre Slidre kommune	Innlandet
SUM:	3 252 000

Tilskot til kulturmiljøet på kysten

Prosjekt	Tilskot i kroner	Søkar	Fylke
Veileder for bærekraftig bevaring, bruk og ombruk av sjøbruksmiljø i strandsoner og byer	450 000	Rogaland fylkeskommune	Rogaland
Leidangens kulturmiljø	1 200 000	Arkeologisk museum, Universitetet i Stavanger (AM-UiS)	Rogaland
Kolbeinsensjøhusene i Haugesund - pilot for nye  boliger i eldre sjøhusbebyggelse	300 000	Haugesund kommune	Rogaland
Sammen om kysten	400 000	Norske arkitekters landsforbund
Kystkulturkvartalet i Langesund	400 000	Bamble kommune	Telemark
Handelssteder og gjestgiverier langs kysten	200 000	Forbundet Kysten
Kystens fangstanlegg	250 000	Norsk Maritimt museum	Vestland
Satsing på felles kulturarv i Nord	250 000	Sametinget
Forlist! Destinasjon Missingene	100 000	Norsk Maritimt museum	Østfold
Videre arbeid med prosjektstøtteordning for kystkultur, uthavner og europeisk kulturell rute	400 000	Agder fylkeskommune	Agder
Framtid for kulturhistoriske sjøbruksbygningar i Sunnhordland	300 000	Sveio kommune	Vestland
Kirken og båten	85 000	Salten Veteranbåtlag	Nordland
Kystarv under press: Klima, kultur og verdiskaping på ytterkysten av Øygarden og på Sunnmøre	300 000	Universitetsmuseet i Bergen	Vestland
Kulturminneregistrering Oksval-Ursvik	300 000	Nesodden kommune	Akershus
Kulturopplevingsturar med veterandampskipet  «Stord I» i  Indre farlei, Vestland	80 000	Stiftelsen D/S Stord I	Vestland
Kystkultur som et strategisk virkemiddel i utviklingen av Risør som et helårlig reisemål	200 000	Arnesen & Rhein Utvikling AS	Agder
Redningshytta på holmen Heia	14 000	Heias venner	Østfold
Utvidelse av kultursti Henningsvær	110 000	Vågan kommune	Nordland
Bryggehus Mortenhals	100 000	Nordnorsk fartøyvernsenter	Troms
SUM	5 439 000