Kronprinsesse Mette-Marit kjem til Fossefestivalen DIFF

DETTE ER BERRE NOKRE AV ARRANGEMENTA DEI NESTE DAGANE UNDER FESTIVALEN - SJÅ HER FOR FULLT PROGRAM.

Lesesirkel: Naustet

Kronprinsesse Mette-Marit er mellom dei trufaste lesarane til Jon Fosse, og har takka ja til å vere høg beskyttar av DIFF. I morgon vil ho vere til stades når forfattarane Olaug Nilssen og Erlend Loe skal diskutere romanen Naustet under leiing av Bernhard Ellefsen. Pressa er invitert til arrangementet, som går føre seg på Scene 2.
Merk at samtalen er billettert, og siste oppmøte er kl. 17.15.

Sider - Smaken av Hardanger, Lesesirkel: Morgon og kveld og Femti-femti

Torsdag er programmet variert, og spenner frå ei smaksreise gjennom Hardanger, når Thomas Digervold presenterer siderproduksjonen langs fjorden, til samtale mellom Agnes Ravatn og Sophie Elise, som skal diskutere livet og døden. Kvelden blir runda av med Femti-femti med Det Andre Teatret, som vil improvisere over eit av stykka i katalogen til Fosse.

Der Name/Namnet og Kay Voges

Til helga kjem to europeiske tungvektarar på besøk. Først ut er Kay Voges grøssaraktige versjon av Namnet - Der Name - frå Schauspiel Köln. Voges har sett opp framsyningar innan både opera og teater sidan 1998, ved mellom andre Burgtheater Wien, Staatsoper Hannover og Staatsschauspiel Dresden. Før framsyninga på fredag vil regissør og teatersjef ved Oslo Nye Teater, Runar Hodne, møte Voges til ein samtale om tysk påverknad i norsk teater.

Antigone in de Amazon og Milo Rau

Laurdag entrar europeisk teaters store politiske rebell Det Norske Teatret. Det er eit skup at regissør og dramatikar Milo Rau, den politisk engasjerte leiaren av Wiener Festwochen, no gjer eit stopp på RESISTANCE NOW-turneen på Scene 2. Rau er rabulisten i europeisk teater og meiner at kunst ikkje handlar om å skildre verda, men å endre henne. Han er blitt omtala som både den “mest påverknadsfulle”, “mest skandaløse” og “mest ambisiøse” europeiske regissøren i vår tid. Sveitsiske Rau kjem til DIFF med framsyninga Antigone in de Amazon, ei framsyning som Time Out erklærte som ein "must-see".

RESISTANCE NOW-kampanjen følger opp Milo Raus’ utforsking av den ekstreme høgresida, som for eksempel prosjekta hans BREIVIKS STATEMENT (2012) – som blei forbode i fleire land – eller THE VIENNA TRIALS (2024), der han stilte det høgreekstreme partiet FPÖ for retten. I 2026, som eit klimaks på RESISTANCE NOW-turneen, vil Rau lansere ei offentleg konstitusjonell rettssak mot det tyske høgreekstreme partiet AfD (Alternativ for Tyskland) under tittelen THE TRIAL AGAINST GERMANY.

LESESIRKEL: NAUSTET
med Olaug Nilssen, Erlend Loe og Bernhard Ellefsen
ONSDAG 10. SEPTEMBER KL. 17.30
SCENE 2
SIDER - SMAKEN AV HARDANGER
med Thomas Digervold
TORSDAG 11. SEPTEMBER KL. 18.00
BIKUBENFEMTI-FEMTI
Gjestespel frå Det Andre Teatret
TORSDAG 11. SEPTEMBER KL. 20.00
LESESIRKEL: MORGON OG KVELD
med Agnes Ravatn, Sophie Elise og Astrid Dypvik
FREDAG 12. SEPTEMBER KL. 17.00
DER NAME/NAMNET
av Jon Fosse, gjestespel frå Schauspiel Köln (Tyskland)
FREDAG 12. SEPTEMBER KL. 19.00
LAURDAG 13. SEPTEMBER KL. 17.00
ANTIGONE IN DE AMAZON
av Milo Rau/ MST & NtGent (Belgia)
LAURDAG 13. SEPTEMBER KL. 14.00 OG 19.00

Les meir:

• Sjå alt som hender under DIFF her!