Premiere på Vinter og Skodespelet under Fossefestivalen
I morgon sparkar Fossefestivalen DIFF i gang med lansering av Vaim, den nye romanen til Jon Fosse. Deretter blir det premiere på Vinter i ei nytolking av det belgiske stjerneskotet Lisaboa Houbrechts. Laurdag byr vi på urpremiere på Skodespelet, eit heilt nytt stykke frå Fosses hand.
OPNING AV FOSSEFESTIVALEN OG LANSERING AV VAIMav Jon Fosse
FREDAG 5. SEPTEMBER KL. 18.00VINTER
av Jon Fosse
PREMIERE FREDAG 5. SEPTEMBER KL. 20.00
HOVUDSCENEN
SKODESPELET
av Jon Fosse
URPREMIERE LAURDAG 6. SEPTEMBER KL. 17.30
SCENE 2
VINTER - ein atmosfærisk meditasjon om kjærleik
Regissør Lisaboa Houbrechts ønskjer å undersøke spørsmål kring temaet kjønnsidentitet, og har valt skodespelarane Kyrre Hellum, Tani Dibasey og Carl Martin Eggesbø til rollene i Jon Fosses Vinter. Stykket er eigentleg skrive for ein mann og ei kvinne, og handlar om å finne sin plass, om å bli akseptert, og det skjøre forholdet mellom «eg»-et og «dei andre».
Den belgiske regissøren er hylla på den europeiske teaterscenen for sine uttrykksfulle oppsetjingar der ho nærast komponerer bilde og lar dei ulike kunstdisiplinane flette seg i kvarandre.
- Eg vil opne opp, eg vil kjenne kjøtet i historia, i forteljinga, det politiske kjøtet, men utan å lage politisk kunst, seier regissør Houbrechts. Les heile intervjuet her.
SKODESPELET - heilt nytt Fosse-stykke
Den formsterke duoen Johannes Holmen Dahl og Nia Damerell har vore så heldige å vere dei første som får sette den nye teksten frå Jon Fosse i scene. Her bryt Fosse med både forventningar og klisjear. Det handlar om dei store spørsmåla - livet, døden, kjærleiken. Men ein innpåsliten skodespelartrupp byr på forviklingar og humor.
- For meg handlar Skodespelet om dei indre spenningane i oss menneske, mellom fornuft og kjensler, mellom tryggleik og begjær, og mellom det trivielle og det opphøgde, seier skodespelar Thea Lambrechts Vaulen. Les heile intervjuet her.
Meir på nettsidene våre:
Kontakter
Ida MichaelsenInformasjonssjef
Tel:414 45 345ida@detnorsketeatret.noÅsne Dahl TorpInformasjonsrådgjevar
Tel:986 23 573aasne@detnorsketeatret.noFølg pressemeldinger fra Det Norske Teatret
Registrer deg med din e-postadresse under for å få de nyeste sakene fra Det Norske Teatret på e-post fortløpende. Du kan melde deg av når som helst.
Siste pressemeldinger fra Det Norske Teatret
Dragonblood: Kaotisk sjangermiks på Scene 311.9.2025 07:00:00 CEST | Pressemelding
Only Slime overgår dei fleste i å blande sjangrar. I Dragonblood møter teater klubbkultur, viking live møter K-pop og salen blir sugd inn i eit spelinspirert eventyr som ikkje kan bli sett på pause. Ei på alle måtar omsluttande og radikal oppleving. Publikum er med dette åtvara.
Milo Rau – når politikk og teater ikkje er mogleg å skilje10.9.2025 07:00:00 CEST | Pressemelding
Det er eit skup at regissør og dramatikar Milo Rau, den politisk engasjerte leiaren av Wiener Festwochen, no gjer eit stopp på RESISTANCE NOW-turneen på Det Norske Teatret.
Kronprinsesse Mette-Marit kjem til Fossefestivalen DIFF9.9.2025 07:00:00 CEST | Pressemelding
Fossefestivalen DIFF 2025 har trekt eit rekordhøgt antal publikum. Opningshelga var smekk full med Fosse-premierar, samtalar og gjestespel. Tilbakemeldingane har vore overstrøymande frå både teaterentusiastar og kritikarar. Men det er fleire høgdepunkt i vente. DIFFs høge beskyttar Kronprinsesse Mette-Marit er venta til festivalen i morgon, onsdag, for å oververe lesesirkelen som tar for seg romanen Naustet av Jon Fosse.
DIFF: Slagkraftig Fossefestival1.9.2025 15:16:43 CEST | Pressemelding
DIFF - Den internasjonale Fossefestivalen - framstår i si fjerde utgåve både i ny drakt og meir slagkraftig enn nokon gong. Festivalen har fått HKH Kronprinsesse Mette-Marit til høg beskyttar og litteratursensasjonen Édouard Louis som årets æresgjest. Med eit stjernespekka program, knallsterke framsyningar og internasjonale gjestespel vil både kjennarar og dei som møter verka hans for første gang få rikeleg med påfyll.
Lagar teater om pride-terroren23.6.2025 07:00:00 CEST | Pressemelding
- Eg har kjensla av at det ligg noko her som vi ikkje snakkar om, seier dramatikar og regissør Nina Wester. Det er terroren som roka under Oslo Pride 25. juni i 2022 ho siktar til. Det vi ikkje snakkar om, ønskjer ho no å få fram i lyset og opp på scenen. I 2027 blir det teater, men først er ho ute etter å sanke inn historier og stemmer frå ulike lag av befolkinga.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom