Frukostseminar: Kva seier forskinga om trening og ernæring for eldre?

Forskingsdagane har i år tema "Tryggleik". Tysdag 23.september får du servert ny forsking og praktiske råd for korleis trening og ernæring kan bidra til ein god alderdom.

Seminaret er gratis og passar for eldre sjølv, helsepersonell, personlege trenarar, studentar, forskarar, politikarar og alle som er opptatt av fysisk aktivitet og trening. Frukostseminaret blir arrangert på Norges idrettshøgskule, og vi håpar at så mange som mogleg tek turen til oss. For dykk som ikkje har høve til å kome, vil konferansen bli strøyma på NIH sin Youtube-kanal.

Det blir enkel frukostservering frå kl 08.00-08.30.

Gratis påmelding 

Påmeldingsfrist 19. september (du treng ikkje melde deg på om du ikkje kjem til NIH og skal sjå seminaret på nett).

Program

Kl 08.30 - 10.00

• Trygg og effektiv styrketrening for eldre (70 +)

Korleis kan eldre trene effektivt for å behalde funksjon og forebygge risiko for fall? 

Truls Raastad, professor ved Institutt for fysisk prestasjonsevne, NIH

• Ernæring og aldringsprosess

Kvifor er proteinet du et viktig for aldringa? Praktiske anbefalingar og prestasjon av funn frå forskingsprosjektet "Eat4age" der eldre testa nyutvikla proteinrike matvarer.

Elise Lander, stipendiat ved Institutt for fysisk prestasjonesvene, NIH

• Derfor brukar eldre treningsklokker og slik blir dei påverka

Blir eldre meir fysisk aktive og held seg yngre lengre ved å bruke teknologi som treningsklokker? Gir smartklokka eldre ein tryggleik?

Marte Knutsson, stipendiat ved Institutt for idrett og samfunnsvitskap.

• Panelsamtale: Korleis kan vi få fysisk aktivitet og styrketrening inn i eldreomsorgen?

Deltakarar:

Jon Skjævestad, overlege, geriater alderspsykiatrisk seksjon, Oslo universitetssykehus

Elisabeth W. Telenius, forsker og fagkonsulent ved Nasjonalt senter for aldring og helse, og førsteamanuensis OsloMet.

Anders Hall Grøterud, dagleg leiar, Aktivitetsalliansen

Truls Raastad, professor, Institutt for fysisk prestasjonsevne, NIH