Ole-Mathias Nes blir ny seksjonsleiar for Utgreiing vest

Han tek over etter Nils Magne Slinde, som no fungerer som avdelingsdirektør for Transport vest.

Ole-Mathias har fungert i stillinga som seksjonsleiar sidan nyttår. Han vil ha kontorstad på Leikanger.

Ole-Mathias Nes har lang erfaring frå etaten og har dei siste åra vore sentral i arbeidet med strategiske analysar, konseptvalutgreiingar og utvikling av kunnskapsgrunnlag for planlegging og prioritering i transportsektoren.

Seksjonen Utgreiing vest har eit breitt fagleg ansvar, og arbeider mellom anna med:

• utvikling og bruk av transportmodellar og trafikkgrunnlag
• konseptvalutgreiingar (KVU) og tidlegfaseutgreiingar
• samfunnsøkonomiske analysar og porteføljeberekningar
• grunnlag for Nasjonal transportplan (NTP) og gjennomføringsplanar
• samarbeid med fylkeskommunar og andre aktørar i regionen

Seksjonen har også ei viktig rolle i å sikre god datakvalitet og metodikk i utgreiingsarbeidet, og i å utvikle verktøy og arbeidsformer som gir betre innsikt og styringsgrunnlag for framtidige investeringar.

– Eg ser fram til å ta fatt på oppgåva og bidra til vidare utvikling av utgreiingsarbeidet i vest. Det er eit sterkt fagmiljø med høg kompetanse og stort engasjement, seier Ole-Mathias Nes.

Statens vegvesen ønskjer Ole-Mathias lykke til i den nye rolla.