Pukkellaksfella i Tana klar for å stoppe storinvasjon
4.7.2025 11:41:32 CEST | Miljødirektoratet | Pressemelding
Den 400 meter lange fella som skal stoppe pukkellaksen i Europas største lakseelv, er no klar. For to år sidan kom rundt 170 000 pukkellaks til Tana.

– Vi måtte utsetje arbeidet ei veke på grunn av mykje vatn i Tanaelva. No er pukkellaksfella i denne viktige lakseelva på plass. Vi håpar ho klarer å stoppe pukkellaksen effektivt, samtidig som lokale fiskeartar som villaks, sjøaure og sjørøye slepp uskadd forbi, seier Hilde Singsaas, direktør i Miljødirektoratet.
Den første fisken som gjekk i fella 4. juli var ein atlantisk laks på rundt tre kilo, som vart sende vidare opp i elva for å formeire seg.
Noko pukkellaks rakk å passere
Overvaking i Polmak ved grensa til Finland har vist at om lag nokre tusen pukkellaks rakk å komme seg opp i elva, før fella ved Seida 30 kilometer lenger ned kom i drift. Samanlikna med pukkellaksinvasjonen i 2023, er dette eit lågt tal. Mengda pukkellaks som vandrar opp i Tanaelva er venta å auke kraftig i første halvdel av juli. Rundt 170 000 pukkellaks klarte å komme seg opp i Tanaelva for to år sidan.
– Vi legg stor vekt på å ikkje skade dei lokale fiskeartane under arbeidet med å stoppe pukkellaksen i Tanaelva. Vi har no sett saman dei store einingane som til saman utgjer pukkellaksefella, og gått over for å sørgje for at det ikkje finst skarpe kantar og ujamnskapar som kan skade fisken, seier prosjektleiar Roar Sandodden i Veterinærinstituttet.
Hardtarbeidande personell under krevjande arbeidsforhold
Sandodden og Veterinærinstituttet har bygd pukkellaksefella i Tana på oppdrag frå Miljødirektoratet. Dei har tilsett 21 snikkarar, gardbrukarar, mekanikarar og andre fagfolk for å drifte prosjektet.
– Flinke og hardtarbeidande praktikarar har vore avgjerande for god framdrift i arbeidet med å byggje pukkellaksfella i Tana. Fangstbur og løysingar for å sikre fri passering både oppover og nedover i elva for lokale fiskeartar er store og tunge konstruksjonar. Det har kravd nøye planlegging og testing før dei blei transporterte ut og monterte i sperregjerdet. Vi har fått veldig god hjelp til å optimalisere dei ulike tekniske løysingane, seier Sandodden.
Han har også late seg imponere av kor godt arbeidsfolket samarbeider.
- Vi høyrer fire språk under arbeidet, norsk, finsk, samisk og engelsk, og det lèt til at dette ikkje hindrar god dialog og flyt i arbeidet, seier Sandodden.
Les meir og følg fangsten av pukkellaks frå dag til dag på Miljødirektoratets temaside om pukkellaks.
Andre språk
Følg pressemeldinger fra Miljødirektoratet
Registrer deg med din e-postadresse under for å få de nyeste sakene fra Miljødirektoratet på e-post fortløpende. Du kan melde deg av når som helst.
Siste pressemeldinger fra Miljødirektoratet
Bly i fiskeutstyr fases ut i EU17.11.2026 09:59:21 CET | Pressemelding
Europakommisjonen har vedtatt nye regler som skal fase ut bly i fiskeutstyr. Målet er å redusere blyforurensning og beskytte fugler og dyr.
Bly i fiskeutstyr blir fasa ut i EU17.11.2026 09:59:21 CET | Pressemelding
Europakommisjonen har vedteke nye reglar som skal fase ut bly i fiskeutstyr. Målet er å redusere blyforureining og verne fuglar og dyr.
Åpner for direktekjøp av internasjonale klimakvoter13.11.2026 06:37:20 CET | Pressemelding
Norge åpner for å kjøpe klimakvoter direkte fra prosjekter i utviklingsland. Kjøpene skal bidra til at Norge når sine klimamål.
Opnar for direktekjøp av internasjonale klimakvotar13.11.2026 06:37:20 CET | Pressemelding
Noreg opnar for å kjøpe klimakvotar direkte frå prosjekt i utviklingsland. Kjøpa skal bidra til at Noreg når klimamåla sine.
Omsetningskravet hindrar ikkje framleis sal av etanolfri bensin5.11.2026 11:22:31 CET | Pressemelding
Miljødirektoratet vurderer at det ikkje er behov for nye eller endra verkemiddel for å sikre tilgang til etanolfri 98-oktan bensin.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom