Alvorleg feil: Kan vere fleire hundre tips vi aldri har fått

Tips frå publikum er ein viktig del av tilsynsarbeidet vårt. På grunn av ein feil har vi ikkje fått tipsa sendt via tipsskjemaet vårt. Feilen har vore der sidan mars 2024, og blei oppdaga i juni i år.  

– Vi er avhengige av tips frå publikum, og folk skal ha tillit til at tipsa dei sender kjem fram til oss. Dette er ein alvorleg feil, og det gjekk altfor lang tid før vi oppdaga den.  

No er feilen retta, og her kan du sende oss tips. 

Vi får inn tips knytt til tilsynsområda våre. Flest tipsar om ulovlege pengespel, men vi får også tips knytt til stiftelsar og tilskot til frivillige organisasjonar. 

500 tips kan vere borte

Publikum har i perioden tipsa oss via andre kanalar som e-post, kontaktskjema og telefon. Men dei som har brukt tipsskjemaet har ikkje fått varsel om at tipset deira ikkje kom fram. Det er berre i tipsskjemaet publikum kan levere anonyme tips. 

Vi har klart å hente fram 120 tips frå dei siste to månadane. Resten er automatisk sletta av personvernomsyn.  

– Det betyr at fleire hundre tips kan vere borte for oss, men vi har ikkje eksakte tal. Vi skal gå grundig igjennom dette og gjere dei endringane som må til for å unngå at liknande skjer igjen, seier Hamar. 

Vi er avhengige av tips frå publikum

Feilen blei retta då den blei oppdaga.  

– Folk skal ha tillit til at tipsa dei sender kjem fram, og at vi tar det på alvor. Å få inn tips er viktig for oss. Fleire av tilsyna våre startar med tips frå publikum.