Elektroniske legender tolkar Rotevatn på ny EP

LYTT HER

Etter Andreas Rotevatn slapp sitt fyrste soloalbum "Av daude gror" i fjor, mottok han mykje positiv merksemd. Tor Hammerø i Nettavisen skreiv i sin anmeldelse: "Det groover og svetter uten stans og jeg tror han har muligheten til å snakke til et ganske så stort publikum med dette brygget. Det er absolutt mulighet for at avanserte danseføtter også vil bli frista til eksesser underveis her."

No kjem EP-en "Av Daude Gror (Remix)" med utvalde remiksar frå sentrale namn i den elektroniske verda: DJ-en Prins Thomas, Xploding Plastix og Double Trouble. 

Remiksen av “Diaspora” er eit eksperimentelt musikalsk eventyr, laga av den legendariske electronica-duoen Xploding Plastix. Perfekt for den modne lyttaren som likar elektronisk musikk, men som òg ønskjer ei utfordring. Med den fjerde remiksen av låtar frå debut-soloalbumet til Rotevatn, er EP-en no komplett.

Prins Thomas tok det allereie dansbare materialet i ei endå meir dansbar retning. Andreas fortel:

- Veldig gøy å høyre den remixene! Perfekt miks av elektronisk og akustisk. Det var stor stas at Prins Thomas ville remixe musikken min. Han er jo ein av dei store elektronika-pionérane i Noreg, og har vore ei inspirasjonskjelde lenge. 

Andreas Rotevatn er på mange måtar ein kløyvd musikar, som jamvel stend stødig i det todelte. På den eine sida har han ein bygdeoppvekst på Nordfjordeid, og på den andre over 10 år som kunstnar i storbyen. Rotevatn nærer ein kjærleik for bruksmusikk og det dansbare, trass i ei omfattande utdanning på fleire eliteskular for musikk. Han er ein spellemannsnominert og prisvinnande komponist, som jamvel òg har brei apell og gode strøymetal. Rotevatn er tekstleg inspirert av fortida, gjennom Håvamål, Ivar Aasen og Bibelen, men samstundes vert han inspirert av moderne og lydar frå synthar og trommemaskiner. Det akustiske og improviserte, møter det elektriske og planlagde. Einkvan stad i midten, i symbiosa, der trivast Rotevatn best! 

Xploding Plastix er ein norsk elektronika-duo beståande av Jens Petter Nilsen og Hallvard Wennersberg Hagen. Sidan starten på tidleg 2000-tal har dei markert seg med ein særegen stil der dei blandar instrumental hiphop, jazz, filmmusikk og eksperimentell elektronika. Debutalbumet Amateur Girlfriends Go Proskirt Agents fekk internasjonal merksemd og blei raskt ein kultklassikar. Duoen er kjent for detaljrik produksjon, uventa vendingar og ei leiken tilnærming til sjangergrensene.

Prins Thomas har jobba som produsent, DJ og remixar i fleire tiår. Han er spellemannsnominert fleire gongar og har millionar av strøymingar på Spotify. Han var ein av grunnleggjarane bak Oslo-discoen, eller space-discoen, som fekk undergrunnen til å koke på tidleg 2000-tal. Saman med Hans-Peter Lindstrøm og Todd Terje blanda dei saman discorytmer, nyare trommemaskiner, eldre synthar og effekter, i ei herleg eklektisk elektroakustisk dansbar blanding.

Double Trouble er Prins Thomas og DJ Isoebel frå Kolbotn, er eit nytt namn på Dj-scena i Oslo. Ho har frekventert klubb-scena i Oslo i lengre tid, og har nyleg teke steget inn i DJ-boothen. Prins Thomas tok Isoebel under vengene, og saman dannar dei altso duoen Double Trouble, som er her med si første utgjeving.