Sterke tal: 7 prosent fleire reisande på Avinor sine lufthamner i mars

Samla for alle Avinor sine lufthamner er det ti prosent auke i talet på innanlandsreisande, og to prosent auke i utanlandsreisande, men det er store skilnader mellom lufthamnene.

Aprilpåske påverkar mars-tala

-I år kjem påska i april, medan ho var i mars i fjor. Dette påverkar passasjertala for mars.

Påsketrafikken er normalt prega av ein svak innanlandsmarknad og tilsvarande sterk utanlandsmarknad. Dette forklarer den kraftige veksten vi ser på innland i mars i år, på heile 10%, seier Gaute Skallerud Riise, direktør for trafikktutvikling i Avinor.

-Samstundes ser vi ein svakere vekst i utanlandstrafikken enn i de siste månedene, men om ein tek omsyn til påskeeffekten ser vi at det framleis er underliggjande god vekst i utanlandstrafikken også i mars, seier Riise.

Hittil i år er talet på utanlandsreisande sju prosent høgare enn i same periode i 2024, sjølv om påska ikkje er i første kvartal.

Meir flyfrakt og god utnytting av kapasiteten

Fraktvolumet held fram på eit høgt nivå, med ein vekst på 20% i mars. Import som kjem inn med fly aukar, og ledig kapasitet på ruteflya blir fylt meir enn tidlegare år.

-Frakt er eit viktig bidrag for å utvikle rutetilbodet ved Oslo lufthamn. Vi opplever at lufthamna i større grad blir brukt som knutepunkt for fraktmarknaden, som er med på å styrke ruteutviklinga gjennom betre lønsemd for flyselskapa, avsluttar Riise.

Kommersielle flyrørsler aukar

Det var 53.029 kommersielle flyrørsler i mars, ein auke på åtte prosent frå mars  i 2024.

Framleis størst vekst for dei mindre lufthamnene

Ser vi på dei store lufthamnene; Oslo, Bergen, Trondheim og Stavanger (DSL), er fleire reisande i mars, men aller størst auke for Trondheim lufthamn, Værnes.

Tromsø lufthamn har stadig aukande tal på reisande, med heile 18 prosent i mars i år, samanlikna med mars i fjor. Dei regionale lufthamnene (DRL) har ei samla auke på 12 prosent i mars.

	Mars			Hittil i år
Lufthamn	2024	2025	Endring	2024	2025	Endring
Oslo	2 018 000	2 103 000	4 %	5 375 000	5 653 000	5 %
Bergen	487 000	511 000	5 %	1 344 000	1 368 000	2 %
Trondheim	323 000	366 000	13 %	890 000	941 000	6 %
Stavanger	311 000	322 000	3 %	857 000	862 000	1 %
DSL sum	3 140 000	3 302 000	5 %	8 465 000	8 824 000	4 %
Tromsø	248 000	294 000	18 %	700 000	838 000	20 %
DRL andre	612 000	671 000	10 %	1 641 000	1 788 000	9 %
DRL sum	860 000	964 000	12 %	2 341 000	2 626 000	12 %
Avinor sum	3 999 000	4 266 000	7 %	10 806 000	11 450 000	6 %

 Sjå fleire tal for alle Avinors lufthamner i vedlegga.

Fleire droneflygingar

I mars vart det meldt inn 2.279 droneplanar, det vil seie flygingar registrert i Ninox Drone.

– Dette er ein auke på rundt 31 prosent prosent samanlikna med mars i 2024, seier Mats Gjertsen som leiar droneprogrammet til Avinor.