Sjukehusa i Helse Vest: Dette er viktig i 2025
Ventetidene til utredning og planlagd behandling skal ned. Dette er ei heilt sentral oppgåve for sjukehusa også i 2025. Samtidig blir det å behalde og rekruttere medarbeidarar, beredskap og digitalisering enda viktigare i 2025.
- Styringsdokument for 2025 til føretaka (samleside på helse-vest.no)
- Oppdragsdokument 2025 (regjeringen.no)
Denne veka fekk helseføretaka i Helse Vest dei årlege styringsdokumenta, som fortel kva oppgåver sjukehusa skal gjere i 2025.
– Kursen som er lagd gjennom tidlegare år, skal i stor grad førast vidare. Overordna skal vi jobbe for å gi gode helsetenester til befolkninga på Vestlandet. Vi kjenner dei tre overordna måla frå tidlegare. Vi skal prioritere psykisk helse og rus, samhandling, forsking, innovasjon, kompetanse og pasienttryggleik, seier Inger Cathrine Bryne, administrerande direktør i Helse Vest RHF.
No er det lagt til to mål til.
– Vi skal legge meir innsats i å vere den føretrekte arbeidsplassen for fagfolk, og førebu oss endå betre for beredskap på ulike områder, fortset Bryne.
Inger Catrine Bryne er administrerande direktør i Helse Vest RHF. Foto: Helse Vest RHF.
Rask tilgang til helsetenester sentralt
Kvart år får helseføretaka eit styringsdokument av styret i Helse Vest RHF. Dokumentet gir retninga til kva sjukehusa – Helse Fonna, Helse Bergen, Helse Stavanger og Helse Førde – og Helse Vest IKT og Sjukehusapoteka Vest skal prioritere i året som kjem. I januar fekk Helse Vest RHF eit oppdragsdokumentet overlevert frå Helse- og omsorgsdepartementet, og styringsdokumenta til helseføretaka byggjer på dette.
– Sjukehusa har gjort ein stor og god jobb med ventetider allereie. Det arbeidet held fram i 2025. Det handlar om å realisere måla i Ventetidsløftet, slik at pasientane kjem raskare til utgreiing og behandling, men også korleis vi kan bruke, mellom anna, betre planlegging, behovsstyrt poliklinikk, oppgåvedeling og digital heimeoppfølging, seier Bryne.
Rekruttering og beredskap viktigare enn før
To mål er altså lagt til i 2025; at spesialisthelsetenesta skal vere den føretrekte arbeidsplassen. Tiltak for å redusere sjukefråværet er ein del av dette arbeidet. Også skal beredskapen styrkast.
– Fagfolka og leiarar i klinisk verksemd er det viktigaste vi har. I tillegg blir beredskap endå viktigare i tida framover. Vi lever i ei krevjande tid. Vi må vere betre førebudde på kriser, og styrke sikkerheitsarbeidet i alle føretaka våre, seier Bryne.
Nøkkelord
Kontakter
Bente AaeKommunikasjonsdirektørHelse Vest RHF
Tel:415 33 807bente.aae@helse-vest.noFølg pressemeldinger fra Helse Vest RHF
Registrer deg med din e-postadresse under for å få de nyeste sakene fra Helse Vest RHF på e-post fortløpende. Du kan melde deg av når som helst.
Siste pressemeldinger fra Helse Vest RHF
Auka bruk av digitale helsetenester bidrar til å ta ned ventetidene19.2.2025 08:48:56 CET | Pressemelding
Eit tiltak for å få ned ventetidene er å auka bruken av digitale heilsetenestar. Det ser ut til å gje gode resultat.
Felles satsing på klarspråk i Helse Vest18.2.2025 10:33:21 CET | Pressemelding
Pasientane må forstå informasjonen frå sjukehuset, og dei som arbeidar i tenesta må forstå kvarandre. I 2025 skal medarbeidarar i Helse Vest få hjelp til å skrive klarare. Blant tiltaka er ei ny språkprofil, digitale klarspråkskurs og ein eigen skriverettleiar for stillingsannonsar.
To nye kontraktar for å ta ned ventetidene6.1.2025 08:59:20 CET | Pressemelding
Like før jul signerte Helse Vest to avtalar med leverandørar av helsetenester. Dette skal bidra til å ta ned ventetidene ytterlegare.
Feira framsteg innan blodkreft, demensforsking og barnehelse1.11.2024 10:41:29 CET | Pressemelding
Helse Vest har delt ut prisar for framifrå forsking og innovasjon. Prisane gjekk til initiativ som har forbetra behandling av blodkreft, gitt ny kunnskap om demens, og styrkt helsetenester for barn og unge. Initiativ som har hatt mykje å seie for pasientbehandling og helsearbeid i regionen.
Avtale med Aleris om kjøp av tonsillektomi27.9.2024 17:26:08 CEST | Pressemelding
Helse Vest RHF har inngått avtale med Aleris Helse AS på Nesttun i Bergen om kjøp av tonsillektomi (mandeloperasjonar). Avtalen er inngått for å avlaste Helse Bergen og redusere ventetidene.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom