Fem millionar kroner til forsking på medium og dataspel

Medietilsynet har fordelt over 5,3 millionar kroner til forsking på medium og dataspel. Tolv prosjekt får støtte: tre masteroppgåver og ni forskingsprosjekt. Tre av forskingsprosjekta omhandlar mediemangfald, mens fire er relaterte til kritisk medieforståing. Tildelinga til to av forskingsprosjekta blir gjennomført som oppfølging av regjeringas handlingsplan mot speleproblem.  

Medietilsynet fekk inn totalt 37 søknader denne gongen, nokre færre enn for 2024.  

– Det var mange store og gode forskningsprosjekter blant søknadene i år, og fleire søkere ønsket maksimal støtte, som er  800 000 kroner Dermed er det få prosjekter som kan få støtte. Vi gir midlar til fleire spennande forskingsprosjekt som vil gi nyttig innsikt både om mediemangfald og kritisk medieforståing, seier Hanne Sekkelsten, avdelingsdirektør i Medietilsynet.

Feilinformasjon og nyskapande nettverk 

Cheshta Arora ved stiftinga Vestlandsforsking får 800 000 kroner i støtte til prosjektet «Gjør det noe om det er sant eller ikke – Den sørasiatiske diasporaens erfaringer med feilinformasjon og falske nyheter». Hovudmålet til prosjektet er å studere korleis den sør-asiatiske diasporaen i Noreg navigerer det nasjonale og transnasjonale landskapet av feilinformasjon, og korleis dette påverkar opplevinga deira av tillit og tilhøyrsle til det norske samfunnet.

Ragnhild Kristine Olsen ved OsloMet får 792 625 kroner i støtte til prosjektet «Nyskapende nettverk og mediemangfold». Prosjektet handlar om «Samarbeidsdesken» som er etablert for å stimulere til meir fordjupande og datastøtta journalistikk på tvers av små lokalaviser. Studien skal undersøke kva betydning Samarbeidsdesken har for mangfald, innovasjon og kvalitet i lokaljournalistikken. Ved å undersøke korleis samspelet mellom Samarbeidsdesken og lokalavisene fungerer og kva slags journalistikk som har komme ut av prosjektet, vil forskinga gi ny kunnskap om verdien av nettverkssamarbeid for små lokale medium.

Dataspel og speleproblem 

Regjeringa har øyremerkt 750 000 kroner til forsking på dataspel i handlingsplanen mot speleproblem.  

Tony Leino ved Universitetet i Bergen får 462 000 kroner til prosjektet «Gråsoneproblematikk mellom data og pengespill blant norske ungdommer». Få studiar i Noreg har utforska samanhengen mellom data-, penge- og gråsonespel blant ungdom, og det er dermed eit stort behov for ny kunnskap. Dette prosjektet vil undersøke omfanget av spel, problematisk speling, forhold til gråsonespel og relevante individuelle og sosiale faktorar blant norske ungdommar i alderen 16–19 år. 

Beate Wold Hygen ved NTNU Samfunnsforskning får 288 000 kroner til prosjektet «Game Chat Boost eller Break» som skal sjå på om, og på kva måte, kommunikasjonen som spelarane opplever under gaming – både positiv og negativ – påverkar kjenslene og sjølvkjenslene til spelarane. I tråd med handlingsplanen vil prosjektet fokusere på sårbare grupper, som i denne samanhengen inkluderer minoritetar, personar med nedsett funksjonsevne og menneske som har vore utsette for mobbing, uønskt seksuell merksemd og/eller trakassering.

Disse får støtte:

Torborg Igland, NLA Høgskolen	Journalister møter vanlige folk	200 000
Shania Gjerde, Mastergradsstudent	Når Kald Teknologi Blir Nær Menneskelige Erfaringer med AI i Hverdagslivet	25 000
Tony Leino, Universitetet i Bergen	Gråsoneproblematikk mellom data og pengespill blant norske ungdommer	462000
Nordiske Mediedager	Medieundersøkelsen 2025	400 000
Beate Wold Hygen, NTNU Samfunnsforskning AS	Game Chat Boost eller Break	288 000
Tove Rebekka Nilsen, Mastergradsstudent	Spillifisering i Snapchat og unges kritiske medieforståelse	25 000
Ragnhild Kristine Olsen, OsloMet	Nyskapende nettverk og mediemangfold	792 625
Cheshta Arora,  Vestlandsforsking	Gjør det noe om det er sant eller ikke Den sørasiatiske diasporaens erfaringer med feilinformasjon og falske nyheter	800 000
Andreas Roaldsnes, Universitetet i Bergen	Medbarn Barns mediemangfold	742 610
Henriette Ydse Krogstad, Mastergradsstudent	Medienes målrettede grep for å gjenopprette tillit til nyhetsformidling og styrke medieforståelse	25 000
Hallvard Moe, Universitetet i Bergen	Familien som kilde til kritisk medieforståelse Algoritmisk literacy og læring mellom generasjonene	789 169
Håvard Kiberg, Høyskolen Kristiania - Ernst G Mortensens stiftelse	Digitale lydlandskap	800 000
Sum:		5349404