Framleis vekst i passasjertrafikken

Talet på utanlandsreisande aukar framleis mest, med 12 prosent i november. Hittil år er veksten blant  utanlandsreisande heile 9 prosent.

Veksten blant innanlandsreisande er på 2 prosent i november, og 2 prosent hittil i år.

-Passasjertala i november er prega av ein auke på heile 12 prosent utanlands. Samtidig er veksten innanlands utelukkande driven av reiser utanlands altså tilslutningsreiser mellom inn- og utland. Innanlandsmarknaden i seg sjølv er svakt ned mot november i fjor (-1%). Dette er eit teikn på den aukande interessa for Noreg som reiselivsdestinasjon, og på at nordmenn held fram med å prioritere utanlandsreiser i ein tid der mange har ein strammare privatøkonomi, seier Gaute Skallerud Riise, direktør for trafikkutvikling i Avinor.

-Trenden med fullare fly held fram. November er månaden med sterkast vekst i fyllingsgrad så langt i år, med heile 3,5 prosentpoeng auke frå same månad i fjor. Dette er ein trend som har gått føre seg over mange år, og som er betydeleg forsterka dei siste to åra. Trenden er positiv både for utnyttinga av infrastrukturen,  men og i eit utsleppsperspektiv.

Flyrørsler

Det var 49 824  kommersielle flyrørsler i november. Dette er 2 prosent færre enn i november i fjor. Så langt i år er det 1 prosent færre flyrørsler samanlikna med same periode i 2023.

Tal for dei største lufthamnene

(DSL = dei store lufthamnene) og samanlagt-tal for dei mindre (DRL= dei regionale lufthamnene)  i november:

	November			Hittil i år
Lufthamn	2023	2024	Endring	2023	2024	Endring
Oslo	1 861 000	1 967 000	6 %	23 415 000	24 551 000	5 %
Bergen	497 000	502 000	1 %	5 903 000	6 086 000	3 %
Trondheim	331 000	336 000	2 %	3 715 000	3 751 000	1 %
Stavanger	325 000	317 000	-2 %	3 667 000	3 690 000	1 %
DSL sum	3 013 000	3 122 000	4 %	36 700 000	38 079 000	4 %
DRL sum	775 000	857 000	11 %	8 849 000	9 523 000	8 %
Avinor sum	3 788 000	3 979 000	5 %	45 548 000	47 602 000	5 %

Droneflyging aukar

I november vart det meldt inn 1724 flygingar med drone i Ninox Drone.

–Dette er ein auke på 25 prosent samanlikna med november i 2023, seier Mats Gjertsen som leiar droneprogrammet til Avinor.  - Sjølv med meir vêr og kuldeperiodar som påverkar droneflyging, er dette høge tal som stadfestar trenden med auka dronebruk i Noreg.

I år har det vore meir enn 23.000 flygingar totalt, mot 14.000 flygingar i fjor. Dette er ein auke på 63 prosent.