John-Eivind Velure blir ny direktør i Nkom

Velure har vore fungerande i rolla som direktør sidan mars 2024, og no er det klart at han overtek jobben fast. 

Velure er utdanna sivilingeniør frå NTNU, og har også bakgrunn frå Forsvaret. Han har arbeidd i Nkom sidan 2004, og har dei siste åra vore avdelingsdirektør for spektrumsavdelinga.

–Eg er stolt og glad for den tilliten eg har fått. Gode og sikre mobil- og breibandsnett har aldri vore viktigare for oss som innbyggjarar og samfunn enn no. Med avhengigheita kjem også sårbarheita, og derfor er det så viktig at vi held fram arbeidet med å trygge vår digitale infrastruktur.  

I ei pressemelding seier digitaliserings- og forvaltningsminister Karianne Tung at regjeringa er svært nøgd med at Velure tek på seg ansvaret med å leie Nkom framover. 

– Nkom står framfor store oppgåver framover mellom anna med å sikre den digitale grunnmuren. Velure er ein fagleg sterk og utviklingsorientert leiar som er svært godt kvalifisert til å leie dette viktige arbeidet, seier digitaliserings- og forvaltningsminister Karianne Tung.

Velure er utnemnd for ein periode på seks år, og tiltrer stillinga frå det tidspunkt departementet landar på.

Les heile pressemeldinga frå Digitaliserings- og forvaltningsdepartementet her: https://www.regjeringen.no/no/aktuelt/john-eivind-velure-ny-nkom-direktor/id3066513/