Ny unik studie på NIH: Skal gje testosterontilskot til eldre menn
Kan musklane hugse at dei har fått testosteron eller har trena tidlegare i livet? NIH-forskarar håpar svar frå ein heilt spesiell studie vil kunne vere med på å betre alderdomen.
![Eldre mann som trener](/data/images/public/17847631/18215501/3411892c-0394-4964-a074-c6c4ee6b077a-w_720.jpg)
I 2013 viste forsking frå Universitetet i Oslo at mus som tidlegare har mottatt testosterontilskot kan oppnå betydeleg raskare muskelvekst ved seinare trening.
Sjølv om det var opphald på fleire månadar utan trening og testosteron.
Dette tyder på at kortvarig bruk av testosteron kan ha langvarige effektar i muskel lenge etter at testosteronet er ute av kroppen.
For fyrste gong på menneske
Muskelen kan dermed hugse tidlegare testosteronbruk og dette blir omtalt som “muskelhukommelse”.
Om musklane våre har ein slik hukommelsesmekanisme kan kortvarig bruk av doping ha langvarige prestasjonsfremjande effektar lenge etter dopingmiddelet er ute av kroppen.
Desse funna blei gjort på mus, og har ikkje blitt undersøkt hos menneske.
Før nå.
Kan treningseffekten bli betre av tidlegare testosteronbruk?
Tidlegare har forskingsgruppa dokumentert at tidlegare trente menneskelege musklar veks og auka styrken meir etter ein treningsperiode, enn ikkje-trente musklar.
Dei relaterte denne “muskelhukommelsen” til informasjon som blir lagra på DNA-nivå
– Formålet med prosjektet er å undersøke om det eksisterer ein muskelhukommelse på DNA-nivå i samband med tidlegare styrketrening og/eller kortvarig testosteronbruk, og om dette kan føre til betre treningseffekt seinare i livet, seier Daniel Tømmerbakke som er stipendiat på prosjektet.
Opnar for at testosterontilskot kan vere positivt i korte periodar
– Mange tenkjer på testosteron som doping, men for mange menneske med ulike sjukdommar er det medisin. Me treng meir kunnskap om korleis desse mekanismane verkar og dei positive og negative sidene av testosterontilskot, forklarer Tømmerbakke.
Han trur resultata kan ha mykje å seie for spesielt eldre menn.
– Me veit at tap av muskelmasse og lågare testosteronnivå, påverkar livskvaliteten til eldre menn. Forhåpentlegvis kan resultata me får her bidra til at me veit meir om korleis denne gruppa kan oppretthalde funksjonsevne, fungere betre kognitivt og ikkje minst ha eit godt liv.
Dei vil også sjå på psykologiske mål i studien som livskvalitet og søvn, for å finne ut om auka testosteronnivå kan ha noko å seie for korleis deltakarane har det.
Hypotesen til forskarane er at også den muskelmassen du opparbeider deg over ein kort periode kan ha livslange positive effektar.
I tillegg vil resultata kunne påverke antidopingreglane i idretten og avgjere konsekvensane av misbruk av testosteron når det gjeld utestenging av idrettsutøvarar.
Tre fasar i prosjektet
Alt av etisk godkjenning er sjølvsagt på plass, og behandlinga kjem til å skje i trygge rammer.
– Ein blir fylgd opp av legespesialistar som er ekspertar på dette. Deltakarane vil få låge dosar av testosterontilskot i kontrollerte former, som også vil føre til langt færre biverknadar enn det ein kanskje har lest om, fortel Tømmerbakke.
Dei 40 forsøkspersonane skal gjennom tre fasar i prosjektet.
- Fase 1: Ei behandlingsfase (ti veker) der ei av gruppene får testosterontilskot og den andre eit placebo-tilskot med eller utan styrketrening.
- Fase 2: Ei fase utan behandling og trening (tolv veker) der deltakarane held fram sitt vanlege liv som vanleg.
- Fase 3: Til slutt ei fase (ti veker) med styrketrening med to-tre økter i veka, utan behandling.
Studien er ein dobbeltblinda, randomisert, placebo-kontrollert undersøking som vil seie at deltakarane blir tilfeldig trekt ut til deltaking anten i ein av testosterontilskot-gruppene eller ei kontrollgruppe, og verken deltakarane eller forskarane veit kven som får testosteron og ikkje.
Forskingsprosjektet er eit samarbeid med Oslo universitetssykehus. Vil du vite meir om kva det inneber å delta i studien?
Kontakter
Gjermund Erikstein-MidtbøKommunikasjonsrådgjevar/innhaldsprodusentNorges idrettshøgskole
Tel:97095329gjermunde@nih.noOm oss
Norges idrettshøgskole er ein vitskapleg høgskule med eit særleg ansvar for forsking og høgare utdanning innan det idrettsvitskaplege fagfeltet.
Følg pressemeldinger fra Norges idrettshøgskole
Registrer deg med din e-postadresse under for å få de nyeste sakene fra Norges idrettshøgskole på e-post fortløpende. Du kan melde deg av når som helst.
Siste pressemeldinger fra Norges idrettshøgskole
Meiner toppidrettsskular må prioritere tid til måltid: – Må bli meir enn komponentar på tallerkenen20.6.2024 13:53:33 CEST | Pressemelding
Den hektiske kvardagen til unge topputøvarar påverkar korleis ungdomane ser på kosttilskot, viser ny NIH-studie. – Ta noko ut av timeplanen og legg inn tid til måltid på toppidrettsgymnas, foreslår stipendiat Anette Skilbred.
NIH har ekspertane til saker om EM, OL og trening i sommar19.6.2024 10:06:28 CEST | Pressemelding
Noregs idrettshøgskole har ekspertar på dei fleste område innanfor idrett, trening, helse og friluftsliv. Her er forskingsområda deira som kan vere aktuelle for deg som journalist i sommar.
Gjesteforelesning: (Hvordan) kan helse- og kroppsøvingsundervisningen være mer inkluderende i å bekrefte diverse kjønn, kjønnsidentiteter og seksualiteter?16.5.2024 07:00:00 CEST | Presseinvitasjon
Institutt for idrett og samfunnsvitenskap ved NIH inviterer til gjesteforelesning med Lisa Hunter fra Monash University (Australia), torsdag 24. mai kl. 10:15 - 12:00.
Tre av fire norske 10-12 åringar trenar kvar veke15.4.2024 10:13:15 CEST | Pressemelding
Ein ny rapport viser at svært mange norske barn trenar og er med i idretten. Likevel meiner professor at tala kan bli lest som eit varsko til idretten om at dei ikkje klarer å fange opp gruppa som hadde trengt idretten aller mest.
Invitasjon til NIH Aktiv fagdag29.2.2024 07:00:00 CET | Presseinvitasjon
Fredag 8. mars arrangerer NIH Aktiv fagdag med et aktuelt og variert program bestående av korte, faglige bidrag fra NIHs egne forskere og eksterne fagpersoner. I anledning kvinnedagen handler første del av dagen om kvinnehelse.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom