31 prosjekt får bustadsosialt tilskot

Tilskota blir delte ut til frivillige og private aktørar, forskings- og utdanningsinstitusjonar og kommunar i heile landet.

Husbanken har teke imot 72 søknader om bustadsosialt tilskot i 2024. Av desse får 31 prosjekt tilskot.

– Det har vore stor interesse for årets tilskot og mange gode søknader. Vi har prioritert prosjekt som har stor overføringsverdi og som kan gi innspel til andre satsingar, seier administrerande direktør i Husbanken, Jan Hjelle.

Bustadkarriere for unge med nedsett funksjonsevne og startlån til tilpassing for eldre

Her er nokre eksempel på prosjekt som får tilskot:

Skaun kommune har fått 500 000 kroner for å redusere sårbare overgangar mellom foreldreheim/institusjon/folkehøgskule og eigen heim for unge med nedsett funksjonsevne. 

Universitet i Tromsø har fått 400 000 kroner til arbeid med aldersvennlege lokalsamfunn i eit vinterklima. Prosjektet skal samanlikne eksisterande kunnskap om klimatilpassing av fysiske omgivnader. Dei skal òg kartlegge klimatiltak i samband med handtering av snø i by- og bumiljø.

Askøy kommune har fått 670 000 kroner for å auke bruken av startlån til tilpassing av bustad for eldre. Dei skal bruke pensjonistar med byggeteknisk bakgrunn som «tiltakslosar» og lage ein informasjonskampanje retta mot eldre, om startlån og tilpassing av bustad.

Valdres næringshage har fått 800 000 kroner til eit pilotprosjekt om energirapport for bustader. Dei skal formidle informasjon om tilgjengelege støtteordningar og lage anbodspakkar med bustadtiltak, for å redusere energibruken i bustader.

Kriterium for å få tilskot

Husbanken har vurdert søknadene ut frå om prosjekta bidreg til:

• å styrke arbeidet i kommunane med å busette flyktningar
• at fleire personar med nedsett funksjonsevne på lik linje med andre, kan velje kor og korleis dei vil bu
• å skaffe eigna bustader for eldre i heile landet
• å trygge buforhold for leigetakarar og auke kunnskapen om leigemarknaden
• å utvikle nye metodar, konsept og løysingar for bustadsosialt arbeid i heile landet
• å utvikle nye bustadkonsept og måtar å jobbe på, som bidreg til at det blir enklare for barnefamiliar og låginntektsgrupper å etablere seg i eigna bustad
• kunnskapsutvikling og -formidling, informasjon til målgrupper og bustadsosiale utgreiingar

– Vi har òg lagt vekt på at kunnskapen som blir utvikla i prosjekta blir dokumentert, formidla og blir delt på ein slik måte at andre kan ha nytte av erfaringane frå prosjektet, seier prosjektleiar Gry Kongsli i Husbanken.

Desse prosjekta får tilskot:

Namn på søkar	Namn på prosjekt	Tilskotsbeløp
Askøy kommune	Føre var – Prosjekt for å betre informasjon om, og auke bruk av, startlån til tilpassing av eksisterande bustader til eldre i Askøy kommune	670 000
Balsfjord næringsutvikling	Bu- og blilyst i Balsfjord og Storfjord	500 000
Bodø kommune	Ny by Bodø – Ein bydel for alle	600 000
Flekkefjord kommune	Bupilot-kontor og utvikling av kurs for byggenæring og handverkarar	670 000
Flekkefjord kommune	Frå leigetakar til eigar – eit inkluderings-, normaliserings- og kunnskapsprosjekt	360 000
Halden kommune	Trygt i hamn	320 000
Halden kommune	Ein bustad for alle	275 000
Helseinn	Mobil visningsheim – Mobil læringsarena for tryggleiks- og meistringsteknologi	494 000
Inderøy kommune	Bustadsosialt utviklingsprosjekt fase 1	200 000
Indre Østfold kommune	Val av tilbod og overgang til varig bustad for ungdommar i ettervern – Sjølvstendig ung vaksen	650 000
Indre Østfold kommune	Kartlegging av auka kunnskap om leigemarknaden i Mysen sentrum	250 000
KBL	KBL – utvikle og spreie kunnskap og god praksis innan bustadpolitikk og bustadsosialt arbeid og vidareføre dette til kommunane i landet	250 000
Kongen sitt senter/ Boligsiftelsen eldres heim	Nye Kongens Senter – framtidas aktivitets- og bustadsenter for eldre og funksjonshemma i Kristiansand	500 000
Leieboligforeningen	Samtalar om bustadpolitikk	300 000
NBBL	Nettverk bustadkjøpsmodellar	150 000
Norce	Nye buformer i eit generasjonsperspektiv	450 000
NTNU Samfunns-forsking	Why/Not in my backyard: Utprøving av verktøy for dialog i to kommunar	800 000
Ny boligplan	Ny bustadplan #3	150 000
Oslo Kommune	Bumiljømodell i modulbygg	500 000
Oslo Met	Bustadkjøpsmodellane – tiltak i den heilskaplege bustadpolitikken i kommunane?	950 000
SAFO	Funksjonshemma sitt sjølvstende i eigen heim	160 000
Sarpsborg kommune	Bustadkoordinator – Bustadkontora i framtida	1 100 000
Skaun kommune	Kompetanseutvikling sårbare overgangar (Redusere sårbare overgangar til ungdom med nedsett funksjonsevne	500 000
Steinkjer kommune	Stodtunet	400 000
Stiftelsen CRUX	Prosjekt Mellom-rom	521 000
Stiftelsen Kirkens Bymisjon Vestfold	Tønsberg – Ung i Bolig (gode heilskaplege bustadløysingar for unge 18–25 år) Fase 2 Iverksetting	700 000
Tøyen Boligbyggelag	Prosjektmoglegheiter for ideell sektor som utviklar og tilbydar av bustader	260 000
Tøyen Boligbyggelag	Bok om ein ideell tredje bustadsektor	140 000
UIT – master i landskapsarkitektur	Aldersvennlege lokalsamfunn – i eit vinterklima	400 000
Valdres Næringshage	Folkets Kraftløft	880 000
Ørsta kommune	Fleksibelt budstadkonsept til flyktningar	600 000

Fakta om tilskotet

Tilskot til bustadsosiale tiltak er ein del av tilskotsordninga «Tilskot til bustadtiltak». I denne ordninga inngår òg tilskot til bustadtiltak i distrikta og driftstilskot til leigetakarorganisasjonar. Den totale tilskotsramma for ordninga er 37,5 millionar kroner i 2024. Dette er ein auke på 15,3 millionar frå 2023. Husbanken har i 2024 teke imot 146 søknader om til saman 133 millionar kroner.

Desse fekk tilskot til bustadtiltak i distrikta