Nytt stipend for unge innan folkemusikk og folkedans

Stipendet blir delt ut i samarbeid med Setesdal Spelemannslag og består av eit diplom og ein pengesum på 50 000 kroner. Det er i samband med at Sparebanken Sør fyller 200 år i 2024 at det nye stipendet har vorte oppretta.  

– Søkjarane må ha ein plan for kva dei skal bruka pengane til. Det kan til dømes vera å vidareutvikla talentet sitt i form av kurs, studieopphald, eller formidling av musikken eller dansen, seier ho.  

Vinnaren blir trekt i juni, og stipendet blir delt ut på Setesdal Folkemusikkfestival.  

Ber om video av framføring

For å søkja må du spela inn ein kort video av deg sjølv der du presenterer deg, og speler, syng eller dansar. Det kan også vera eit opptak frå ein framføring.  

– Det er mange talent der ute som er aktuelle vinnarar av stipendet. Derfor ønskjer juryen å sjå utøvarane formidla musikken eller dansen framfor å lesa ein søknadstekst, seier Astri Rysstad, leiar i Setesdal Spelemannslag. 

Du må vera mellom 18 og 30 år og aktiv utøvar for å delta.   

Les meir om søknadsprosessen og kriteria for å delta på sor.no/folkemusikkstipend.  

Frist for å søkja er 1. mai.