No har Oran Young fått Mohnprisen
– Ein «outstanding» pris til eit «outstanding» menneske, sa statsminister Støre då han gav Den internasjonale Mohnprisen for fremragende forskning relatert til Arktis til professor Oran Young.
Statsministeren understreka at det var ei personleg glede og ære å gje Mohnprisen 2024 til Young, og at Young har hatt ei unik forståing av Arktis sidan slutten på den kalde krigen. Young sine analysar og arbeid har flytta forsking og utvikling framover, og skapt viktige arenaar for menneska i nord.
– Eg har sjølv sett korleis forsking, politikk og menneske kjem saman i Arktis på ei måte som er unik i verda. Det kan vi i stor grad takke deg for, professor Young, sa Støre.
Det handlar om folk
Utdelinga innleia dag tre på Arctic Frontiers, ein konferanse som nettopp prøver å samle forsking, politikk, styresmakter og menneske. UiT-rektor Dag Rune Olsen tala på vegner av styringskomiteen til Mohnprisen, og framheva Young sitt arbeid for å bygge ein ny visjon for samarbeid i Arktis.
– Å samle forsking og politikk mot eit felles mål er akkurat det Mohnprisen er meint å anerkjenne, sa Olsen.
– Vi treng nye narrativ
Professor Oran Young kalla Mohnprisen for eit høgdepunkt i sin 50 år lang karriere, og fortalde om korleis han i grunn berre vil forstå korleis verda fungerer.
– Eg vil forstå kvifor nokre system feilar og nokre system vert suksessar. Og eg trur det handlar om at teoretikarane og praktikarane må ha eit felles narrativ om ein skal lykkast, sa han.
Young trur at felles narrativ om fred og samarbeid i Arktis etter den kalde krigen er årsaka til at Arktis no er relativ fri for konfliktar. Men no er vi på eit kritisk punkt kor vi treng nye mål, meiner han:
– Vi treng nye narrativ som famnar både lokale, regionale, nasjonale og internasjonale perspektiv. Og som gjev alle reelle moglegheiter og stemmer, basert på gjensidig respekt, sa Young.
Vil ikkje stenge døra
Både Young og Støre peika på at ein ikkje har alle aktørane rundt det arktiske bordet for tida, men at ein ikkje kan stengje døra heilt, i tilfelle dei kjem tilbake.
– Og då har vi Arktisk råd som ein arena, ein arena du var særs viktig for å skape, professor Young, sa statsministeren.
Prisvinnar Young sa han på inga måte legg frå seg sitt ønskje om å forstå:
– Som statsministeren sa, så handlar dette om folk og samtalane dei har. Og eg håper å få vere med i diskusjonane i enno ein stund, avslutta Young.
Prisvinnar Oran Young vert heidra med seminaret «Still the Age of the Arctic?” på UiT torsdag 1. februar. Seminaret vert strøymd på https://uit.no/mohnprisen
Les meir om Mohnprisen her: https://uit.no/mohnprisen/ommohnprisen
Kontakter
Dag Rune OlsenRektorUiT Norges arktiske universitet
Tel:930 85 881dag.r.olsen@uit.noKjetil RydlandKommunikasjonsrådgiverUiT Norges arktiske universitet
Tel:95176509kjetil.rydland@uit.noUte VogelProsjektleiarMohnprisen/UiT
Tel:938 37 285ute.vogel@uit.noFølg pressemeldinger fra UiT Norges arktiske universitet
Registrer deg med din e-postadresse under for å få de nyeste sakene fra UiT Norges arktiske universitet på e-post fortløpende. Du kan melde deg av når som helst.
Siste pressemeldinger fra UiT Norges arktiske universitet
UiT tilbyr 8257 søkere studieplass25.7.2024 11:11:32 CEST | Pressemelding
Ved UiT Norges arktiske universitet blir det gitt tilbud om studieplass til 8257 søkere fra høsten av. Og det kan bli enda flere.
Nå kan du søke på ledige studieplasser!20.7.2024 09:00:00 CEST | Pressemelding
Ønsker du å bli sykepleier, lærer, eller kanskje noe helt annet? Fra i dag har du mulighet til å søke på ledige studieplasser ved UiT. Det er førstemann til mølla som gjelder.
UiT-filmen "Prosjekt Pappa" nominert til Amandapris24.6.2024 14:45:21 CEST | Pressemelding
Student ved Filmkunstskolen i Kabelvåg ved UiT, Camilla Jämting, har opplevd et prisdryss for debutfilmen sin. Nå er filmen også nominert til den høythengende Amandaprisen for beste kortfilm.
Arktisk naturmangfold for alle21.6.2024 12:00:00 CEST | Pressemelding
Norges arktiske universitetsmuseum har lansert en ny digital plattform, som gir publikum mulighet til å utforske museets unike zoologiske og botaniske samlinger.
Nå kan datamaskiner for første gang snakke lulesamisk20.6.2024 15:39:58 CEST | Presseinvitasjon
UiTs samiske språkteknologi-utviklere har nemlig laget en lulesamisk talesyntese med tre kunstige stemmer. Dette kan bidra til å bevare det unike språket. Lanseringen skjer på Stormen samiske senter i Bodø 25. juni.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom