HAUGTUSSA – digital lansering av vol. 2

Tekst av Arne Garborg 
Musikk av Øyonn Groven Myhren

Øyonn Groven Myhren – song (kveding), kraviklyrer, basslangeleik 
Rasmus Kjorstad – langeleik, munnharpe, fele, oktavfele 
Tomas Nilsson – hakkebrett, vibrafon, runerasle, gongar, stor tromme m.m..

Høyr HAUGTUSSA Vol. II HER

Den fysiske utgåva som blei sluppe 21. april i år, og som inneheld heile den nesten to timar lange trilogien, har hausta mange lovord. Vi siterer:

Nettavisen 20/7: For en åpenbaring det har blitt … «Haugtussa» i Øyonn Groven Myhrens tolkning har blitt et tidløst storverk - intet mindre (terningkast 6)

Klassekampen 12/5: Det har blitt et særegent og imponerende musikkdrama (terningkast 5)

Audiophile.no 28/5: Og når resultatet har så høy kvalitet på både komposisjon og fremførelse blir dette uhyre verdifullt(terningkast 5)

I høve digitallanseringa av vol. 2 blir det konsert på Gamle Raadhus i Oslo, i dag, fredag 1. september klokka 19:00.

Det blir også Haugtussa-konsert onsdag 22. november 19:00 på Harpefoss hotell i Sør-Fron, og torsdag 23. november 19:00 på Mjøsmuseet på Gjøvik.

Haugtussa er diktforteljinga om tenåringsjenta Veslemøy som er synsk og kan sjå huldrefolk, troll, hekser og dei som er døde. Då kjærasten Jon svik henne, tar sorg og nedbrytande krefter overhand. På motsett side står Veslemøys døde søster som ei klok og varm rettleiar. Vi følgjer Veslemøys kamp i striden mellom lys og mørker, og til slutt syner «visdoms volve» seg.

Årstidene spelar ei viktig rolle i handlinga, og utgjevinga er delt inn etter årstidene: Vol. 1 – vinter, Vol. 2 – vår og sommar, og Vol 3 – haust og vinter. Vol. 1 kom digitalt 21. april, samtidig med den fysiske utgåva. Vol. 3 kjem digitalt til 100-årsmarkeringa for Garborgs bortgang 14. januar 2024.

Øyonn Groven Myhren blir rekna som ei av dei fremste folkemusikarane våre og har vunne fleire førstepremiar frå Landskappleiken. Ho har vore sentral i ei rekkje prosjekt, blant anna i kvedargruppa Dvergmål, som har gitt ut to album: Visor og kvæde frå Blåberglandet (1996) og Song i himmelsalar (2004). CDen Nordjordet (2018) er frukt av eit mangeårig samarbeid med Bugge Wesseltoft. Her er òg verd å nemne I Jolo (1998) saman med Eilert Hægeland og Alf Tveit, Runarslaget (2021) saman med SISU slagverksensemble, og Tìle (2022) saman med Sidiki Camara og Olav Torget. Ho har arbeidd mykje med mellomaldersongar som solist og gjennom ensemblet Aurora Borealis, med albuma Harpa (1997) og Wizlavs viser (2018), og i duoen Sogesong (med Anne Hytta) med Så vide fara dei lindaord (2017). Ho har retta søkelys mot norsk 1600-tal gjennom ensemblet Barokk Boreal med albuma Ti bud i sanger (2020) og Sanger om død og glede (2022). I 2001 skreiv Groven Myhren og Odd Nordstoga eit tingingsverk over Aslaug Vaas diktsyklus Nivelkinn, der urframføringa kom på CD og fekk Spellemannprisen i kategorien Folkemusikk/Gammaldans i 2002. Som soloartist har ho gitt ut albuma Akkedoria frå Kristiania(2003) og Grisilla i Gullveven (2008), og ho har mottatt høgthengande prisar som Norsk folkemusikkfonds folkemusikkpris (1997), Sagaprisen (1997) og Gammeleng-prisen (2022).

Kat no: HCD7415
UPC: 7033662074150
Label: Heilo / Grappa Musikkforlag
Releasedato: 01.09.23