Utlysing av forskingsmidlar i Helse Vest for 2024
Helse Vest lyser ut midlar til nye, fleirårige forskingsprosjekt for 2024. Søknadsfrist er 15. september 2023. Midlane er lyste ut i open konkurranse og prosjekta skal vere relevante og til nytte for spesialisthelsetenesta.
- Forskingsmidlane til Helse Vest skal vere med på å støtte og sikre forskingsaktivitet i helseføretaka i regionen. Vi er den nest største helseregionen, også når det gjeld forsking, seier Renate Grüner, forskingsdirektør i Helse Vest. - Det skjer mykje god og viktig forsking i sjukehusa. Midlane vi deler ut skal vere eit insentiv til meir forsking av god kvalitet, og å byggje forskingskompetanse gjennom tildeling av doktorgrads- og postdoktorstipend.
Utlysing av Helse Vests forskingsmidlar 2024 - Helse Vest RHF (helse-vest.no)
Alle fagfelt like viktige
Regionalt samarbeidsorgan for forsking og innovasjon avgjer tildelinga av forskingsmidlane. Dei oppmodar til samarbeid i regionen om forskingsprosjekt det blir søkt midlar til.
Å auke brukarmedverknad i forsking er eit klart oppdrag til helseregionen frå Helse- og omsorgsdepartementet. Samarbeidsorganet legg også vekt på at prosjekta viser til brukarmedverknad i forskinga.
- Alle fagfelt er like viktige, så lengje søknadane viser kvalitet og er relevante for tenesta. Målet er å sikre forsking og oppbygging av forskingskompetanse i føretaka, og auke produktiviteten, nytta og kvaliteten på forskinga, forklarar Grüner. - Naturleg nok kjem det flest søknader frå dei store fagområda som kreft og hjerne- og nervesystem, men også psykisk helse og hjarte/kar har fått stor finansiering i tidlegare år, i tillegg til andre.
Oppmodinga er: Søk!
Forskingsdirektøren har ei klar oppmoding: - Søk! Utan å søkje får ein ikkje midlar. Bruk gjerne kollegaer og andre til å gi kritiske tilbakemeldingar til søknaden. Og byrj gjerne i tide med søknaden. Det er lett å rote med vedlegg og formalitetar om alt skal skje siste dagen. Det er kjedeleg å bruke mykje tid på å skrive ein søknad som ikkje blir vurdert på grunn av formelle feil.
Forskingsmidlar i Helse Vest
Helse Vest legg til rette for forsking mellom anna gjennom utlysing av midlar. Brorparten av midlane regionen har til rådvelde held fram med å vere konkurranseutsett. I tillegg organiserer ein strategiske utlysingar ved høve. Dette har bidrege til å løfte forskingssvake område eller kompetanseløft innan utvalde område. Dei regionale helseføretaka er også alle del av KlinBeForsk-utlysingane, som er eit nasjonalt verkemiddel for forskingsfinansiering i spesialisthelsetenesta.
For tida arbeider Helse Vest med å utvikle ein ny strategi for forsking og innovasjon som vil vere gjeldande frå 2024. Denne vil gi retning for forskinga framover.
I 2023 fekk 57 søknadar midlar. I tillegg fekk 160 stipendiatar og prosjekt vidareført finansieringa si. Vel 182 millionar kroner gjekk til å finansiere nye og vidareførte prosjekt og stipend.
Meir om forsking i Helse Vest:
Forsking - Helse Vest RHF (helse-vest.no)
Forskning-og-innovasjon-til-pasientens-beste-2022.pdf (helse-vest.no)
Nøkkelord
Kontakter
Bente AaeKommunikasjonsdirektørHelse Vest RHF
Tel:415 33 807bente.aae@helse-vest.noLenker
Følg pressemeldinger fra Helse Vest RHF
Registrer deg med din e-postadresse under for å få de nyeste sakene fra Helse Vest RHF på e-post fortløpende. Du kan melde deg av når som helst.
Siste pressemeldinger fra Helse Vest RHF
Nye avtalar med rehabiliteringsinstitusjonar17.4.2024 13:38:31 CEST | Pressemelding
Helse Vest RHF har inngått nye avtalar med private rehabiliteringsinstitusjonar. Med dei nye avtalane er tilbodet til barn og unge styrkte.
Fornøgde med behandling5.4.2024 11:28:25 CEST | Pressemelding
Ei undersøking frå SINTEF viser at 80 prosent av dei polikliniske pasientane i psykisk helsevern for vaksne og tverrfagleg spesialisert rusbehandling, har nytte av tilbodet dei får.
Nytt samarbeid aukar tilgangen til internasjonal forsking21.2.2024 07:00:00 CET | Pressemelding
Tilgang til internasjonale publiseringskanalar er ein nødvendig føresetnad for å driva forsking. Ein ny avtale aukar tilgangen til tidsskrift, fagbøker og farmasiressursar.
Millionar spart på legemiddelavtalar gir behandling til fleire pasientar20.2.2024 09:44:52 CET | Pressemelding
Gode innkjøpsavtalar for legemiddel i Helse Vest gjer det mogleg å behandle fleire pasientar for same pengepotten.
Ny, felles regional rapport klar: Slik utviklar vi fødselsomsorga for framtida19.2.2024 08:36:10 CET | Pressemelding
Betre oppgåvedeling, tettare samarbeid, fleksible vaktordningar og heile, faste stillingar. Det er nokre av tiltaka som blir foreslåtte i ein ny, felles regional rapport; “Berekraftig utvikling for fødekapasitet på Vestlandet”.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom