Ingebjørg Bratland og Odd Nordstoga med ny låt. Det er "Ingenting å vera redd for"

I mars for tre år sidan tikka det inn ein sjeldsynt sms fra Ingebjørg Bratland til Odd Nordstoga. «Hei Odd! Vil du eta lunch med meg på Thetatercaféen?» stod det. Lunch blei det, og i tillegg til maten la Ingebjørg ein idé ho hadde på bordet: «Om me ikke skulle gjera noko i lag att i 2023?»  Då var det ti år sidan dei hadde laga plata «Heimafrå» og spelt seg gjennom landet med 134 konsertar i alt fra små grendehus til Operaen i Oslo.

«Ingenting å vera redd for» er fyrste høyrbare prov på at idéen vart noko av. Ikke lenge etter møtet sat Odd i koronavåren og laga ei slags glad protestvise mot alt som går på tverke her i verda. «Denne kunne vera noko for oss» tenkte han, og sende ein demo til Ingebjørg. Det blei tommel opp og klappe-emojis frå den andre sida av byen. Seinare har det ikke gått mindre på tverke i verda, og fleire «protestvers»  har blitt lagde til:

Kom, la oss leva i 

det under me har fått av tid

Ho er dobbel verda me er i

Det er nok av mørkt og natt

Men det er trippelt opp av ljos her att

Og livet er kort og du er min skatt

«Ingenting å vera redd for»  er altså fyrste låten i det som skal bli eit nytt album fra dei to artistane. Med seg har dei fått stjerneprodusent Kåre Chr. Vestrheim, og saman drog dei tre over til Irland for å toppe super norsk folkemusikkpop med den fantastiske lyden av to glimrande folkemusikar dei hadde fått kontakt med der borte – syskenparet Seamus og Caoimhe O’Flaherty. Men dei er ikkje dårlege dei norske musikantane som er med heller. På trommer er det Pål Hausken, på bass spelar Mats Eilertsen og hardingfela blir traktert på eminent vis av medtelemarking Håkon Aase. Miksen står Mike Hartung for og masteringa Morgan Nicolaisen

Det er kanskje mykje å grue seg for her i verda, men snart er sommaren her og den 2. juni, då er det i alle fall –

Ingenting å vera redd for!


Med "Langt Heimafrå" skal Ingebjørg Bratland & Odd Nordstoga ut på en stor noregsturné hausten 2023 og vinteren 2024. Turnéliste og billetter finner du her: