Desse får tilbod om dekanjobb i Volda

- Dei er alle tre godt kvalifiserte for rolla som dekan, og vil med si allsidige erfaring bidra til ei positiv utvikling av HVO i åra framover. Direktør og rektorat ser fram til samarbeidet dei neste fire åra, seier styreleiar og rektor Johann Roppen og direktør Ann Kristin Emblem.

Silje Ims Lied er førstelektor i pedagogikk, og har vore tilsett ved HVO sidan 2009. Ho har tidlegare erfaring frå barnehage, skole, PPT og BUP. Ved høgskolen har ho hatt fagstilling i pedagogikk, og vore instituttleder ved Institutt for pedagogikk en fireårsperiode. I dag er ho prodekan ved same avdeling.

Jorunn Fure jobbar i dag som forskar og forskingskoordinator ved Telemark museum, etter å ha vore direktør ved museet frå 2012 til 2022. Ho har doktorgrad i historie frå Universitetet i Bergen, har blant anna vore forskar og foreleser ved universiteta i Oslo og Bergen, og gjesteprofessor ved Humboldt Universitetet i Berlin.

Jon Are Steen er for tida rektor ved Stryn kulturskule,og har tidlegare blant anna vore lærer og undervisningsinspektør. Han har hovudfag i musikkvitskap ved UiO, og har i tillegg mellomfag i mellom anna filmmusikk og klassiske musikkfag som del av 4-årig lærarutdanning frå Høgskolen i Hedmark. Han er aktiv musikar og har meir enn 20 års erfaring som dirigent, og har komponert musikk til mellom anna fleire musikalar.