Knut Buen og Sigmund Groven med tonesette dikt

Knut Buen & Sigmund Groven: "Kjenslevev"

Med: Aasmund Nordstoga, Anne Gravir Klykken, Kjetil Bjerkestrand
Album release 17.februar 2023

Høyr "Kjenslevev" her

Tekstene på albumet "Kjenslevev" er skrivne utifrå Knut Buens personlege røynsler og livsminne, samt ålmennmenneskelege livsopplevingar, som Buen seier: «det ein har lært og opplevd samlar seg til ein livsvev ein kjenner meining i». I tillegg spring det ut av eit omfattande, fleirårig musikalsk samarbeid og nyskapande verksemd innom visediktning.  

«Liv og lagnad vil vera ei skifting mellom lukke, glede, sorg og avskil. Jamvel under dei ljose sider i livet vil det ligge ein bott av vemod. Men det kan også gløda glimt av sol i dei gråaste motbørsdagar. Ein lever mellom ljos og skuggar.» - Knut Buen

Med bakgrunn i dette har tittelen «Kjenslevev» kome opp. Utgangspunktet til Buen og Groven, som nyskaparar av tekstar og melodiar, er oppvekst i telemarksbygder og slekt av bygdenorske handverkarar og folkekunstnarar, men også ei lang læretid i møte med gode førebilete innom folkemusikk og klassisk musikk, samling av kunnskap , tradisjon og røynsler som utøvande solistar på munnspel og hardingfele.

Anne Gravir Klykken – song, Aasmund Nordstoga – song, Knut Buen – hardingfele og diktlesing, Sigmund Groven – munnspel, Kjetil Bjerkestrand – synthesizer

Konsertar:

16.03: Ælvespeilet, Porsgrunn

17.03: Kulturkirken Jakob, Oslo

Buen og Groven er kjende musikarar som har hausta mange høgthengande priser og gode omtaler. Begge er utnemnde til Riddar av 1. klasse av Den Kongelige Norske St. Olavs Orden. Knut Buen er ein av våre fremste hardingfelespelemenn. Han er på toppen av dette rosemålar, komponist, diktar og en dyktig formidlar. Sigmund Groven er ein anerkjend komponist og munnspelar. Han har ei internasjonal solistkarriere som spenner frå konsertar i Carnegie Hall i New York og Mozarteum i Salzburg til listeplasseringar i Sør-Korea og Hong Kong. Han er også ein særprega komponist med ei verkliste på over 350 komposisjonar.

Albumrelease: 17.02.2023
Artist: Knut Buen og Sigmund Groven, med Aasmund Nordstoga, Anne Gravir Klykken og Kjetil Bjerkestrand
Tittel: Kjenslevev
ISRC: NOGHH2383010
Plateselskap: Heilo