9 av 10 bestod Statsborgarprøva i Vestfold og Telemark

I løpet av fjoråret var det totalt 7216 personar som tok Statsborgarprøva. Enkelte avla prøven meir enn ein gang, og det er variasjonar i resultata fylka og kommunane imellom (sjå tabell).      

– Resultata på landsbasis held seg jamt over gode, seier Sveinung Skule, direktør i Direktoratet for høgare utdanning og kompetanse.     

    

Digital kunnskapsprøve     

Direktoratet for høgare kompetanse og utdanning utviklar prøva på oppdrag frå Arbeids- og inkluderingsdepartementet. Stortinget har bestemt at Statsborgarprøva er ei prøve i samfunnskunnskap som skal måle kjennskap til grunnleggande historiske, sosiale, økonomiske og politiske tilhøve i Noreg, og kjennskap til grunnleggande plikter og rettar. Prøva måler ikkje graden av integrering hos kandidatane.

Statsborgarprøva er digital og varer i 60 minutt. Kandidatane kan også få spørsmåla lest oppfrå ei lydfil.Prøvainneheld 32 poenggjevande spørsmål, der deltakarane må svare rett på minst 24 av dei for å bestå.

Frå 1. januar 2017 har det blitt stilt krav om at alle som søkjer om norsk statsborgarskap og er mellom 18 og 67 år må bestå Statsborgarprøva. Prøva finnast på båe på bokmål og nynorsk. 99 prosent av kandidatane tok prøven på bokmål i 2022.  

 

Resultat på Statsborgarprøva i 2022, kommunar i Vestfold og Telemark

Kommune	Tal kandidatar	Prosentdel bestått	Prosentdel ikkje bestått
Holmestrand	30	93 %	7 %
Horten	39	92 %	8 %
Kragerø	12	83 %	17 %
Larvik	20	95 %	5 %
Notodden	35	74 %	26 %
Porsgrunn	22	95 %	5 %
Sandefjord	52	87 %	13 %
Skien	19	95 %	5 %
Tinn	10	100 %	0 %
Tønsberg	75	92 %	8 %

Resultat på Statsborgarprøva i 2022 fordelt på fylke     

Fylke	Tal på kandidatar	Prosentdel bestått	Prosentdel ikkje bestått
Agder	335	90 %	10 %
Innlandet	264	87 %	13 %
Møre og Romsdal	283	88 %	12 %
Nordland	174	86 %	14 %
Oslo	1453	93 %	7  %
Rogaland	696	93 %	7 %
Troms og Finnmark	262	92 %	8 %
Trøndelag	555	87 %	13 %
Vestfold og Telemark	344	89 %	11 %
Vestland	862	92 %	8 %
Viken	1988	91 %	9 %
Heile landet	7216	91 %	9 %

Meir informasjon 

• Det er kommunane som har ansvar for gjennomføringa av Statsborgarprøva. Pris blir bestemt av prøvestadane lokalt, men skal vere basert på sjølvkostprinsippet og varierer mellom 400 til 1000 kroner. Prisane for å avleggje prøva landet rundt finnast på nettsidene våre.
   
• For å førebu seg til prøva, finn kandidatane tekstar som dekkjer kunnskapsgrunnlaget til Statsborgarprøva (og samfunnskunnskapsprøva) på samfunnskunnskap.no.  
  
  
• UDI: Krav til norsk statsborgarskap, på UDIsine nettsider.