Hemsingfestivalen satsar på ungdommen
Dette året er fem ungdommar i alderen 17-20 år plukka ut til å ta del i talentprogrammet FRAMR under Hemsingfestivalen i februar. Dei fem talenta er Frida Leanne Rogn frå Vestre Slidre i Valdres (cello), Bjørg Pas frå Elverum (fiolin), Andreas Grimstad frå Levanger (bratsj), Ane Stakston Aasen frå Brøttum (fele) og Ragna Valde Sletten frå Vågå (fele).
FRAMR si målsetjing er at unge talent får høve til å møte utøvarar frå begge sjangrar og få innsikt i kva rolle folkemusikken har for den klassiske musikken og omvendt. Programmet er eit nasjonalt tilbod der alle kan melde seg på ved ein ope audition-runde. Kurset er på Hemsingfestivalen i Aurdal dagane 22. - 26. februar 2023. I løpet av veka skal deltakarane spele på opne meisterklasser med dei verdskjende musikarane som vitjar festivalen, og dei får ta del som musikarar på utvalde konsertar saman med festivalens artistar. Dei vil også lære om klassisk musikk og folkemusikk, og i tillegg få prøve seg på tradisjonsdansar frå Valdres som halling og springar.
Neste år inviterer me til talentprogrammet på nytt. Ynskjet er gradvis å opne for fleire unge deltakarar.
FRAMR 2023 er støtta av Sparebankstiftelsen.
Sitat Ragnhild Hemsing i Hemsingfestivalen:
“Me ynskjer å skape eit talentprogram der sjangrar møtast, ein møteplass der folkemusikktradisjonar og klassisk musikk kan gje inspirasjon og innsikt til vidare kunstnarleg utvikling.”
Nøkkelord
Kontakter
Maren JørstadProdusentHemsingfestivalen
Tel:47832131info@hemsingfestival.comBilder
Lenker
Om Hemsingfestivalen
Hemsingfestivalen
Hemsingfestivalen blir arrangert årleg i Aurdal, ei lita fjellbygd i Valdres med 700 innbyggjarar og stolte kulturtradisjonar. Her henta Edvard Grieg og Knut Hamsun inspirasjon i den vakre naturen, og Frydenlund Skysstasjon vart ein viktig møteplass for kunstnarar frå heile Noreg.
Musikarsystrene Ragnhild og Eldbjørg Hemsing vaks opp i bygda, og dei vart tidleg introduserte for både klassisk musikk og folkemusikk. I dag er dei begge internasjonalt etterspurde kunstnarar med heile verda som arbeidsplass. Systrene har stor glede av å formidle musikkens magiske kraft og djupn til publikum, noko som inspirerte dei til å etablere sin eigen internasjonale kammermusikkfestival i heimbygda. Ynsket er å overføre eigen kompetanse til miljøet dei vaks opp i, og med det syne korleis musikk kan prege eit samfunn og skape identitet og tilhøyrsel.
Følg pressemeldinger fra Hemsingfestivalen
Registrer deg med din e-postadresse under for å få de nyeste sakene fra Hemsingfestivalen på e-post fortløpende. Du kan melde deg av når som helst.