Politiet ber retten vurdere fengselsstraff for miljøaktivist Sigrid (19)  

• Eg har blitt stevna, men har ikkje fått noko påstand om straffa dei vil gi meg. Det er det rettsaken min skal gå ut på, om eg får bot eller fengsel. Det er hårreisande at påtalemakta i det heile tatt ber retten vurdere ei strengare straff enn bot. Bøtene dei andre lenkeaksjonistane har fått er altfor høge og er allereie ei udemokratisk straff for aktivistar som har drive med sivil ulydnad, seier Sigrid Hoddevik Losnegård (19). 

 

Bøtene dei andre aksjonistane frå Vevring har fått har vore på mellom 10 000 og 12 000, avhengig av om dei tok bøtene til retten eller ikkje. Nokre av aktivistane har blitt arresterte to gangar, og dermed fått bøter på rundt 25 000kr. Leiar i Natur og Ungdom, Gina Gylver, seiar at dette er fyrste gong dei har vore i ein situasjon der ein aktivist risikerar fengselsstraff for slike aksjonar.  

 

• Det er urovekkjande å sjå at politiadvokaten ber retten vurdere fengselsstraff for aksjonistar som nyttar sivil ulydnad. Dette er eit viktig og legitimt verkemiddel med lang historie i norsk miljøkamp, og vi er svært urolige  for kva for ein presedens ein so streng straff kangi. Det vil medføre ein kraftig innskrenking av demonstrasjonsretten og ytringsfridomen omein byrjar kaste fredelege aksjonistar i fengsel, seier Gylver. 

 

 

Til saman var det over  80 lenkeaksjonistar som blei arresterte i vår, Sigrid var den einaste som blei arrestert tre gongar. No fryktar ho at påtalemakta vil gjere eit eksempel av henne.  

 

• Eg kjenner meg liten. Politiet ville skremme meg med at om eg blei arrestert ein tredje gong ville dei varetektsfengsle meg, i tillegg til at eg fekk ein fengselsdom. Dei snakka alle om kor vanskeleg det vil bli for meg å reise til USA. Eg er meir redd for at påtalemakta vil lage eit eksempel av meg, og gi meg ei altfor streng straff slik at færre vil drive med sivil ulydnad i framtida, særleg i Førdefjord-saka, der mange har aksjonert tidlegare også. Det er svært udemokratisk og grunnlovsstridande, seier Sigrid.. 

 

Ungdommar frå Natur og Ungdom har aksjonert ved Førdefjorden tidlegare, men heller ikkje i 2016, førre gong det var aksjonar med sivil ulydnad i Vevring, var det nokon som blei arrestert så mange gongar.  

 

• Natur og Ungdom er strenge med kva sakar vi nyttar sivil ulydnad i, i Førdefjord-saka var det siste utveg for å hindre anleggsstart. Vi har klaga på alle løyver Nordic Mining har fått, vi har skrive lesarinnlegg, sendt høyringssvar, alt! Sivil ulydnad er ein sikkerheitsventil i demokratiet. Den europeiske menneskerettsdomstolen har konkludert med at retten til å gjennomføre slike fredelege, ikkje-valdelege demonstrasjonar utgjer eit grunnfundament i eit demokratisk samfunn. I Noreg får vi altfor strenge straffar, samanlikna med andre land som har ein maksstørrelse på bøter for sivil ulydnad som ligg på rundt 5000kr. Det er ikkje hensiktsmessig for nokon at vi får så strenge straffer, når lovbrota vi har gjort er minimale og naudsynte for å stoppe eit forferdeleg gruveprosjekt som vil øydelegge eit heilt lokalsamfunn og ein rein nasjonal laksefjord, seier Sigrid.