Veldreven tannklinikk i Stranda vert del av Colosseum Tannlege

Frå 10. oktober vert Tannlege Claus Ryste ein del av tannlegekjeda Colosseum Tannlege. Klinikken vil halde til i same lokalet, tilby same tannhelsetenestene utført av same dyktige tannlege og klinikkassistent. Klinikken blir no del av ei større gruppering, der fagkompetanse og faglig utvikling er i fokus.

Det var fleire faktorar som gjorde at eg ville verte ein del av Colosseum Tannlege, seier Claus Ryste, eigar av klinikken. Eg vil bruke meir av tida mi på pasientbehandling, som for meg er mest givande, og mindre på administrasjon. I tillegg er det trygt å ha ei kjede i ryggen som vil sikre og utvikle tilbodet her i Stranda. Colosseum Tannlege har vore svært imøtekomande, og med eit klart ynskje om at pasientane skal verte tekne imot og behandla på same måte som før ved klinikken. Saman med klinikkassistent Gry Sissel Langlo håper eg på fleire gode år saman med alle dei trivelege pasientane våre, avsluttar Ryste.

 Administrerende direktør i Colosseum Tannlege, Mia Grundstrøm, er glad for å få Tannlege Claus Ryste og hans klinikk inn i Colosseum Tannlege. -Vi er veldig glade for å få ein klinikk i Stranda. Tannklinikken er moderne og veldreven, med ein erfaren tannlege. Vi ynskjer i samråd med Tannlege Ryste å styrke klinikken ytterlegare med fleire ressursar i tida framover, noko som gir Stranda eit trygt og forutsigbart tannhelsetilbod. Vi er opptatt av å tilby tenester av høg kvalitet lokalt, og klinikken på Stranda er viktig for oss i satsinga vår på Sunnmøre og Møre og Romsdal, seier Mia Grundstrøm.