Løyve til bygging og drift av 132 kV dobbeltkurs kraftleidning mellom Dyrløkke og Tegneby

Den nye leidninga skal erstatte noverande 50 kV leidning. Vestby kommune og Akershus fylkeskommune har kome med motsegn og konsesjonen er ikkje endeleg før motlegga er handsama av Olje- og energidepartementet.

NVE meiner anlegget er viktig for å styrke nettkapasiteten og for å oppretthalde ei sikker og stabil straumforsyning i den aktuelle regionen.

NVEs vedtak er grunngitt ut frå omsyn til forsyningssikkerheit og at kapasiteten på eksisterande leidning er fullt utnytta på dagar med høgt energiforbruk. Forbruket er i hovudsak drive fram av stor utbyggingsaktivitet i Vestby, og prognosar viser at maksimalforbruket fortsatt vil auke dei næraste åra.

Den nye leidninga skal byggast i traseen til eksisterande leidning mellom Dyrløkke og Kleiver og mellom Gjølstad og Tegneby. Mellom Kleiver og Gjølstad skal ledninga leggast i ny trasé på vestsida av og parallelt med E6. Omlag fem km av eksisterande 50 kV leidning på austsida av E6 skal fjernast og traseen tilbakeførast. Samla vil leidninga omfatte omlag åtte km ny trasé, medan 12 km vert etablert i eksisterande kraftleidningstrasé.

Etter NVEs oppfatning vil ledninga med den valde traseen kunne bli godt synleg frå E6, der den vil verte parallellført i ny trasé, men elles vil den få avgrensa verknader for allmenne interesser som friluftsliv, naturmangfald og kulturminner. Fordelane ved auka nettkapasitet og forsyningssikkerheit vert vurdert som større enn ulempene for miljø- og arealbruksinteresser.

Les meir om kraftleidninga mellom Dyrløkke og Tegneby.

Kontaktpersonar:
Seksjonssjef Siv Sannem Inderberg, tlf. 90 19 30 08
Seniorrådgiver Arne Anders Sandnes, tlf. 22 95 92 72 eller 95 04 47 58