Løyve til Fagerbakken kraftverk

Kraftverket er planlagt med installert effekt på 4,9 MW. Utbygginga vil nytte eit fall i Fagerbakkelva på 426 meter, med inntak på kote 501 og kraftstasjon på kote 75. Ei elvestrekning på omlag 2,1 kilometer får redusert vassføring. Vatnet skal førast i tunnel frå inntaket til kraftstasjonen. Det vert behov for å byggje ein ca. 2,7 kilometer lang veg til kraftstasjonen og ca. 250 meter veg til inntaket.

Utbygginga vil gje nokre negative verknader for landskap, friluftsliv og reindrift, og etter NVE sitt syn er det særskilt vegen som bidreg til dette. NVE meiner at ein betre tilpassa vegtrasé bøtar noko på dei største negative verknadene. Av omsyn til vassdragstilknytta flora og fauna har NVE stilt krav til slepp av minstevassføring både sommar og vinter. NVE meiner at 70 l/s i perioden 1.5-30.9 og 15 l/s resten av året er tilstrekkeleg på utbyggingsstrekninga. NVE har  ikkje tillete vasstandsregulering i inntaksdammen, då vi meiner det vil vere negativt for aurebestanden i elva nedstraums kraftstasjonen.

I sum vurderar NVE at nytten av tiltaket er større enn skadar og ulemper for private og allmenne interesser, og gjev difor løyve til bygging av Fagerbakken kraftverk på fastsette vilkår.

Meir om løyve til Fagerbakken kraftverk

Kontaktpersonar:

Seniorrådgjvar Gry Berg, tlf. 22 95 92 20
Førstekonsulent Asgeir Vagnildhaug, tlf. 72 89 65 98