Løyve til Liarelva kraftverk

Liarelva ligg på austsida av Matrefjorden og har utløp frå Liarvatnet. Kraftverket er planlagt med ein installert effekt på 2,7 MW, og vil med dei fastsette vilkåra gje ein årleg produksjon på 6,2 GWh.

Utbyggingsområdet frå sjøen og opp til kote 550 har ei jevn bratt stigning. Elvestrekninga er prega av bert fjell i dagen, og traseen for røyrgata vert dominert av mykje skredmateriale og blokkstein. Elva er ikkje synleg frå sjøen, og det er ikkje funne raudlista artar eller viktige naturtypar som vert påverka av utbygginga. Fjordlandskapet i utbyggingsområdet er gjeve middels verdi i fylkesdelplan for små vasskraftverk i Hordaland. NVE meiner røyrgata hovudsakeleg skal vere nedgraven, men på utsette delar av strekninga vil NVE vurdere om den kan liggje i dagen. Dette for å redusere inngrepet i landskapet. Andre negative verknader kan etter NVE sitt syn avbøtas gjennom slepp av tilstrekkeleg minstevassføring, og gjennom miljøtilpassing av dei planlagde inngrepa.

NVE meiner fordelane i høve til allmenne interesser er større enn skadane og ulempene ved å byggje kraftverket og gjev difor løyve til Liarelva kraftverk på fastsette vilkår.

Les meir om løyvet til Liarelva kraftverk på www.nve.no

Kontaktpersonar:
Seksjonssjef Øystein Grundt, tlf. 22 95 93 89
Avdelingsingeniør Ingri Guren, tlf. 22 95 91 59