Løyve til Herje kraftverk

NVE gjev ikkje løyve til å regulere Herjevatnet med 0,5 m . NVE meiner fordelane ved reguleringa i form av auka kraftproduksjon ikkje veg opp for skadar og ulemper som påførast allmenne interessar.

Herje kraftverk vil nytte eit fall på 365 m over ein 2 km lang strekning i Herjeelva. Vatnet vert ført i nedgraven røyrgate til kraftstasjonen. Frå kraftstasjonen blir vatnet ført tilbake til Herjeelva.

Av omsyn til fisk, fugl og anna liv i og ved Herjeelva og av omsyn til rekreasjons- og opplevingsverdi forbunde med elva, har NVE satt ei minstevassføring på 160 l/s frå 1. mai til 30. september og 50 l/s resten av året. NVE har lagt vekt på at utlaupsvatnet frå kraftstasjonen skal tilbakeførast til Herjeelva av omsyn til anadrom fisk.

Gjennom detaljplangodkjenning og oppfølging i byggetida vil NVE sjå til at landskapsinngrepa knytt til utbygginga vert avgrensa i størst mogleg grad.

Av omsyn til landskaps- og friluftsinteresser har NVE ikkje gjeve løyve til å regulere Herjevatnet.

NVE vurderar utbygginga med dei fastsette avbøtande tiltaka å vere akseptabel i høve til allmenne og private interesser.

Meir om Herje kraftverk på www.nve.no/konsesjonssaker

Kontaktpersonar
Seksjonssjef Øystein Grundt, tlf. 22 95 93 89 / 90 19 82 16
Avdelingsingeniør Marianne Bismo, tlf. 22 95 98 58