Løyve til å bygge Ørtvann kraftverk

Kraftverket vil nytte eit fall på 53 meter, frå Ørtvann og ned til Ranaelva. Frå inntaket i Vestre Ørtvann vil i hovudsak den gamle tappetunnelen nyttast som vassveg ned til kraftverket. Vestre og Østre Ørtvann vert søkt heva til kote 102 med ei regulering på to meter.

Det vert sett i gang overvaking av grunnvatnet før heving av Ørtvann. Gjennom ei gradvis heving og fortløpande målingar vil ein kunne avdekke om grunnvatnet vert påverka.

NVE ser at tiltaket vil ha positiv verknad i høve til landskap lokalt. Avbøtande tiltak som revegetering av området kring Vestre og Østre Ørtvann, og reetablering av tidlegare omlagde elvestrekningar inn til dei to vatna vil vere positivt i forhold til opplevinga av området og for fisk.

NVE meiner at ei utbygging som planlagt med avbøtande tiltak, vil bli akseptabel med tanke på allmenne og private interesser.

Meir informasjon om Ørtvann kraftverk

For meir informasjon kontakt:
Senioringeniør Morten H. Kielland, tlf. 72 89 65 78, mob. 911 40 079
Seniorrådgjevar Gry Berg, tlf. 22 95 92 20