– Jenter som søker teknologifag, får ofte positiv merksemd og støtte
1.9.2022 11:45:19 CEST | Kifinfo | Pressemelding

Av: Kjerstin Gjengedal, Kifinfo
Det er ingen løyndom at høgare utdanning i Noreg framleis er kjønnsdelt, og det same gjeld arbeidsmarknaden. Kvinner og menn vel ulike utdanningar og arbeider i ulike sektorar.
Difor prøver institusjonane stadig ut tiltak som kan bøte på dette, og erfaring viser at systematisk og langsiktig satsing kan gje resultat. NTNU har til dømes arbeidd i mange år med å auke talet på kvinner som studerer teknologifag, og kunne i år melde om ny rekord: 20 prosent fleire kvinner søkte seg til bachelorutdanningane for ingeniørfag ved NTNU, og også dei femårige teknologistudia hadde fleire kvinnelege søkarar enn nokon gong.
Men kva med dei studia der det er meir enn nok kvinner, og utfordringa går ut på å tiltrekke seg fleire menn?
– Vi har lenge hatt ein visjon om å utvikle tiltak som liknar på dei som er laga for å rekruttere jenter til teknologifag, men retta mot gutar og helsefag i staden, seier Elin Glad ved UiT Noregs arktiske universitet.
Glad er kommunikasjonsrådgjevar ved Det helsevitskaplege fakultetet, der ho mellom anna arbeider med studentrekruttering. Ho leiar pilotprosjektet «Gutter og helsefag» som no er i startgropa.
Noko av utfordringa er at rammevilkåra er annleis når det gjeld å rekruttere menn til helsefag, enn når ein skal rekrutterer kvinner til teknologi, fortel ho.
– Jenter som søker teknologifag, får ofte positiv merksemd og støtte frå dei rundt seg. Etterpå går dei gjerne ut i yrke som har høgare status og løn enn typiske kvinneyrke. For gutar og helsefag er det annleis, seier ho.
«Omsorgsyrke er kvinneyrke»
Ei utgreiing som kom i 2020, presenterer nokre viktige grunnar til at gutar ikkje søker seg til helsefag:
- Yrke i helsesektoren blir assosierte med låg løn og status, upraktisk arbeidstid og slitsame arbeidsoppgåver.
- Det finst framleis ei utbreidd oppfatning om at omsorgsyrke passar betre for kvinner.
- Mange gutar manglar god og realistisk informasjon om yrka i helsesektoren, og den manglande kunnskapen kan igjen forsterke fordommane.
Funna er basert på tidlegare studiar, og på spørsmål til mannlege sjukepleiestudentar om kva dei trur hindrar andre menn i å velje yrket (sjå faktaboks).
UiT har difor i fleire år prøvd seg fram med ulike informasjonstiltak, og laga mellom anna nyleg ein nasjonal kampanje som gjorde stor suksess på sosiale medium. Kampanjen skulle vise kor allsidige helsefaga faktisk er. «Gutter og helsefag»-prosjektet byggjer vidare på dette arbeidet. I første omgang har Glads seksjon ved helsefakultetet fått midlar frå Bufdir til ein eittårig pilot.
– Piloten inneber utvikling av eit nasjonalt rammeverk som vi ønskjer at høgare utdanningsinstitusjonar over heile landet skal kunne nytte seg av. Saman med nokre av breiddeuniversiteta har vi allereie etablert starten på ei nettverksgruppe. Ideen er at når ein trekk i lag, kan ting skje, seier ho.
Representasjon viktig
Prosjektet er først og fremst eit rollemodelltiltak. Glad trekk fram to aspekt ho ser som viktige:
– For det første skal vi arbeide med å synleggjere rollemodellar. Det er lettare å førestille seg eit yrke i helsesektoren når ein ser nokon der som liknar ein sjølv, men menn gjer sjeldan det. Det vil vi endre på.
For det andre er det viktig å starte kontakten tidleg, meiner ho.
– Difor siktar vi oss ikkje berre inn på elevar i vidaregåande skule, men også i ungdomsskulen. Vi vil snakke med gutane på skulane, men også med lærarar og rådgjevarar ved skulane, som kan vere med på å påverke utdanningsval.
Nøkkelord
Kontakter
Kristin AuklandSeniorrådgiver
Tel:22 03 80 86Tel:95 12 14 86ka@kilden.forskningsradet.noBilder

Lenker
Om Kifinfo
Kifinfo drives av Kilden kjønnsforskning.no for Komité for kjønnsbalanse og mangfold i forskning (Kif-komiteen). Sekretariat hos Universitets- og høgskolerådet.
Følg pressemeldinger fra Kifinfo
Registrer deg med din e-postadresse under for å få de nyeste sakene fra Kifinfo på e-post fortløpende. Du kan melde deg av når som helst.
Siste pressemeldinger fra Kifinfo
Hvorfor slutter stipendiatene?12.11.2026 11:29:23 CET | Pressemelding
Rannveig Beito Svendby har intervjuet stipendiater om fellesskap, støtte og gode relasjoner, men også om språkbarrierer, konflikter og kulturforskjeller.
Flere mannlige professorer tror kvinnelige professorer er dårligere kvalifisert29.10.2026 15:26:56 CET | Pressemelding
En dansk studie viser hvordan mannlige professorer inntar et «taust standpunkt» til hvorfor det er færre kvinnelige professorer. Mange mener kvinner er dårligere kvalifisert.
– Tro kan flytte fjell: vi har flyttet OsloMet til Holmlia21.10.2026 11:49:47 CEST | Pressemelding
Kjønn, sosial og etnisk bakgrunn spiller inn på hvilken høyere utdanning menn og kvinner velger. Det viste årets Kif-konferanse.
– Akademia må få en bedre språkpolitikk19.10.2026 10:38:26 CEST | Pressemelding
Hvordan kan universiteter både styrke norsk fagspråk og være attraktive arbeidsplasser for internasjonale forskere? Det er viktig at forskere får tid til å lære seg norsk, mener språkforsker Verónica Pájaro.
Universitetet i Oslo vil ha minst 30 prosent menn på psykologi25.9.2026 14:28:29 CEST | Pressemelding
Fra neste år kan universiteter og høgskoler bruke kjønnskvoter på studier med stor ubalanse mellom kjønnene. Universitetet i Oslo er blant institusjonene som vil ta den nye ordningen i bruk.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom
