– Vi er ikkje åleine

Kristi himmelfartsdag vert feira førti dagar etter påske. Dagen markerer avslutninga av Jesus sitt liv på jorda. 

– Kristi himmelfart er ein dag for avskjed, men også ein dag som minner oss om at vi ikkje er aleine, seier kyrkjerådsleiar Kristin Gunleiksrud Raaum.

– Jesus velsigna disiplane og gav dei ein lovnad om å vere med dei kvar dag.

Dagen vert markert med gudstenester i kyrkja – fleire stader er det tradisjon for utegudsteneste denne dagen.

Forteljinga om at Jesus fer opp til himmelen står i Det nye testamentet i Bibelen – i Markusevangeliet, Lukasevangeliet og Apostelgjerningane. Ti dagar etter Kristi himmelfart kjem pinse som også vert kalla for kyrkja sin fødselsdag.