Vegen tilbake etter krisa blir ulik for Vestlandsbedriftene
Korona-krisa råkar næringslivet på Vestlandet breitt og brutalt. Då er det gode nyheiter at resultatindeksen gjer sitt største hopp nokon gong i Vestlandsindeksen for 3. kvartal – frå 43,4 til 55,1.
– Nedturen er i ferd med å snu, men samtidig må vi hugse på at resultatindeksen framleis er eit godt stykke under sitt historiske gjennomsnitt på 64,6, seier Ragnhild Fresvik, konserndirektør for bedriftsmarknaden i Sparebanken Vest.
Kutter i bemanninga
Ein beskjeden forventningsindeks indikerer at krisa vil ha ein langvarig effekt på etterspurnad, investering, lønsemd og sysselsetting for Vestlandsbedriftene.
Indeksen viser same utvikling for fleire bransjar – forventninga til etterspurnad dei neste tre månadane er høgare enn forventningane til sysselsetting.
– Ei forklaring kan vere at bedriftene prøver å kutte kostnadar der dei kan for å vere betre rusta for ei usikker tid framover, seier Fresvik.
Denne trenden ser vi spesielt for bedrifter med meir enn 50 tilsette – denne gruppa rapporterer at dei vil ha ei bemanning på 88 prosent av planane dei hadde før krisa inntrefte. Bedrifter med mindre enn 50 tilsette rapporterer tilsvarande om 94 prosent.
– Vi må ta vare på arbeidsplassar
Over halvparten av dei største bedriftene planlegg å permittere eller seie opp tilsette, medan «berre» 22 prosent av dei små bedriftene gjer det same.
– Forventningane til sysselsetting er noko svakare enn vi kunne ønske. Dette er noko av det vi er mest oppteken av framover – vi må ta vare på arbeidsplassar og sikre kompetanse, seier konserndirektøren.
1 av 3 maritime bedrifter melder om negativ marknadsutvikling
Meir enn 40 prosent av dei maritime bedriftene er usikre på om dei har nok arbeid til å kunne kalle tilbake permitterte tilstte. Heile 1 av 3 bedriftsleiarar i den maritime næringa melder om negativ marknadsutvikling for si bedrift.
– Dette er nest største eksportnæring i Noreg – og ei næring som har store internasjonale moglegheiter i det grøne skiftet. Det er utruleg viktig at vi sikrar aktiviteten i denne næringa slik at vi klarar å ta vare på den viktige kompetansen som vi har der, kommenterer Ragnhild Fresvik.
– Det er også interessant å sjå at dobbelt så mange bedrifter i den maritime næringa, sett opp mot totalen av alle bedrifter, seier at korona-krisa har ført til at dei planlegg å investere i nye forretningsområde, legg ho til.
Det er her på Noreg si vestkyst at den grøne omstillinga i maritim næring skal skje, meiner Siv Remøy-Vangen, dagleg leiar i Maritime Bergen.
– Dersom den maritime klynga på Vestlandet skal ha ei spydspiss-rolle i framtida, er vi avhengig av statlege tiltak som stimulerer til aktivitet. Stat og fylke har viktige roller når vi skal dra i gang omstillinga til nye energikjelder, seier Remøy-Vangen.
Treng næringsspesifikke støtteordningar
Dei generelle statlege støtteordningane er i ferd med å bli fasa ut. No er det eit stort behov for å styrke dei næringsspesifikke støtteordningane, rapporterer bedriftsleiarane.
– Reiselivsnæringa seier klart frå at dei har eit akutt behov for støtte dersom dei skal kome seg gjennom den krevjande likviditetssituasjonen som mange står i akkurat no, seier konserndirektøren.
Flor og Fjære – blomsterøya utanfor Stavanger – er ei av bedriftene som har ønske om ein skreddarsydd pakke for sesongbaserte reiselivsaktørar. Bedrifta har ingen inntekter utanfor sesong mai – september. Dermed er ikkje kompensasjon for omsetnadstap særleg relevant.
– Støtte til å kunne betale lønningar hadde hjelpt oss veldig. Vi er fleire heilårstilsette som jobbar med utvikling og drift av hagen som vi mykje heller skulle hatt i arbeid enn å heile tida vurdere om vi må permittere, seier dagleg leiar Hanne Hidlefjord.
Reiselivsnæringa ventar langvarige utfordringar
Reiselivsnæringa frykter hausten og vinteren og rapporterer om dramatiske framtidsutsikter. For overnattings- og serveringsverksemder fell forventningsindeksen i forhold til førre kvartal – i motsetning til alle andre næringar.
– Reiselivsbedriftene som vi har spurt seier at det kan ta opptil to år før omsetnaden er på nivå med det dei hadde forut for korona-krisa, og kvar fjerde bedrift i denne næringa seier at dei reknar med å redusera bemanninga, seier Fresvik.
For å se denne videoen, må du gi ditt samtykke øverst på denne siden.Sjå Ragnhild Fresvik, konserndirektør for bedriftsmarknad i Sparebanken Vest, diskutere funna i Vestlandsindeksen og utfordringar i den maritime næringa med Siv Remøy-Vangen, dagleg leiar i Maritime Bergen. Kjetil Benson, leiar for Markets, er ordstyrar.
Nøkkelord
Kontakter
Ragnhild Janbu FresvikKonserndirektør Bedriftsmarked
Tel:95 92 80 38ragnhild.fresvik@spv.noBilder
Om Sparebanken Vest
Sparebanken Vest er landets tredje største sparebank. Vi er et komplett finanshus for mer enn 290.000 person- og bedriftskunder. Vi er stolt over å være et selvstendig finanskonsern med hovedkontor i Bergen med en sentral rolle i mye av den verdiskapningen som skjer på Vestlandet.
Følg pressemeldinger fra Sparebanken Vest
Registrer deg med din e-postadresse under for å få de nyeste sakene fra Sparebanken Vest på e-post fortløpende. Du kan melde deg av når som helst.
Siste pressemeldinger fra Sparebanken Vest
Ser lysere ut for vestlandsbedriftene21.3.2024 08:07:30 CET | Pressemelding
Etter et bratt år for mange, forteller Vestlandsbedriftene at de ser lysere på fremtiden. – Vi er inne i en positiv trend, melder Tore Netland i rogalandsbedriften Alf I Larsen.
Vestlandskonferansen: Handlekraftprisen går til Framo6.2.2024 15:27:56 CET | Pressemelding
Vestlendingane har talt: Bergensbedrifta Framo er Vestlandet si mest handlekraftige bedrift. Framo tok imot Handlekraftprisen på Vestlandskonferansen i Grieghallen tysdag.
Vestlandet motstrøms: Typiske vestlandsnæringer klarer seg best2.2.2024 11:50:39 CET | Pressemelding
– Vi har vært tro mot det vi virkelig kan, å bygge fiske- og brønnbåter! Det sier Jarle Gunnarstein fra Larsnes mekaniske verksted. Sunnmøringene har vunnet på standhaftigheten, for den ferske Vestlandsindeksen viser at de typiske vestlandsnæringene går mot strømmen i lavkonjunkturen vi er inne i.
Sparebanken Vest med historisk støtte til Brann: – En milepæl for like muligheter i fotballen16.11.2023 13:15:00 CET | Pressemelding
Sparebanken Vest fyller 200 år og feirer med å gi 43 millioner kroner i støtte til SK Branns oppgraderinger av Stadion og treningsanlegget på Nymark. Nå skal Branns kvinne- og herrelag trene og spille kamper på samme bane.
Vestlandsindeksen viser: Oppsagde frå byggebransjen finn jobb innan energi6.10.2023 08:11:24 CEST | Pressemelding
— Her er det gode utsikter til å få jobb, og det er kjekt med mange nye kollegaer. Det seier sveisar Marius Rødland, som er i ferd med å montere ei kran hos PSW Technology på Mongstad. Harde tider i mellom anna bygg- og anleggsbransjen gir mobilitet i arbeidsstyrken som særleg energisektoren dreg nytte av.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom