Tre vil brøyta meir effektivt på riksvegane i Haugesund og omegn
Ved fristens utløp hadde fylgjande meldt si interesse for å drifta vegstrekningane på E39, riksveg 5 og riksveg 13 (alle tilboda er eksklusiv mva):
Tilbydar | Tilbodssum (ekskl. mva): |
Mesta | 386.895.770,00 |
Risa AS | 389.427.740,00 |
Presis veidrift | 406.451.737,36 |
– Vi er godt nøgde med deltakinga i konkurransen. Det er store og seriøse aktørar som er interesserte i dette oppdraget. No skal vi kvalitetssikra og kontrollrekna på tilboda, og så tar vi sikte på at vi kan underteikna kontrakt med den nye entreprenøren snarast mogleg, seier prosjektleiar Rolf Anders Tønder Svensson i Statens vegvesen.
Kontrakt i åtte år
Oppstart av kontrakten er 1. september, og kontrakten gjeld i fem år, fram til hausten 2026. Viss partane er einige, er det mogleg å forlengja kontrakten med opptil tre år.
Denne nye, store driftskontrakten erstattar tre tidlegare kontraktar, og omfattar E134, E39 og riksveg 13.
Tandembrøyting
I tillegg til tradisjonelle driftsoppgåver vil entreprenøren i Haugesunds-området få ansvaret for å vidareføra tandembrøying i vinterdrifta på E34 og E39, noko Haugesunds-kontrakten var fyrst ute i landet med.
– Dette fungerer slik at to køyretøy brøyter saman. Dei legg seg etter kvarandre slik at dei dekker kvar sin ytterkant av køyrebanen. Takka vere dette gjer vi oss ferdige med brøytinga i ei køyreretning i éin operasjon, seier Svensson.
I kontraktsområdet er det totalt 516 kilometer riksveg og 92 kilometer gangveg, og i alt 70 tunnelar. Dette omfattar både høgfjellstunnelar og den undersjøiske Bømlafjordtunnelen.
Miljøkrav
Alle vegkontraktar Statens vegvesen lyser ut i år inneheld krav til miljøsertifisering og rapportering av CO2-utslepp. Slik kan vi registrera kva klimatiltak vi gjer, og saman med entreprenør evaluera og dokumentera kva som har effekt.
I denne kontrakten krev Statens vegvesen – for delar av bilparken – lavutslepps-køyretøy som tilfredsstiller dei strengaste nye krava. Målet er at utslepp frå Vegvesenet sine verksemder skal halverast innan 2030.
I vinterdrifta ynskjer vi å redusera saltmengda gjennom å bruka rett utstyr, og ved auka bruk av vérdata. Dette skal bidra til at vi brukar minst mogleg salt for å få best mogleg effekt.
Frå kyst til høgfjell
Entreprenøren får ansvar for eit variert område, med stor variasjon i både trafikk og geografi.
Strekninga frå Haugesund lufthavn og inn til E39 har den største trafikkmengda, med opptil 20 000 køyretøy i døgnet.Minst er det på riksveg 13 i høgfjellsområda, med ein døgntrafikk på 400–500 køyretøy.
Kontraktsområdet går frå kyst til høgfjell, der entreprenøren må vera førebudd på å handsama kolonnekøyring vinterstid. Vi set strenge krav til responstid, beredskap og vinterdriftsklasse.
Kommunane som er dekte av kontrakten er Karmøy, Haugesund, Tysvær, Bokn, Strand, Hjelmeland, Suldal, Sveio, Stord, Fitjar, Vindafjord, Etne og Ullensvang.
Det er i dei to sistnemnde at vi finn høgfjellstrekningar. Grensa for høgfjell går ved Vintertun på E134.
Nøkkelord
Kontakter
Pressevakt Drift og vedlikehold
* Drift, vedlikehold og forvaltning av riksvegnettet * Brøyting/strøing/salting * Asfalt * Rekkverk * Bruer * Tunneler * Fjelloverganger * Rasteplasser * Inspeksjoner * Ferje
Rolf Anders Tønder SvenssonByggeleiarStatens vegvesen Drift og vedlikehold
Tel:48027103rolf.anders.tonder.svensson@vegvesen.noBilder
Om Statens vegvesen
Statens vegvesen arbeider for å skape et smart og sammenhengende transportsystem på vei for hele Norge. Det skal være enkelt å reise og transportere varer – på sikre veier tilpasset framtidens behov.
Følg pressemeldinger fra Statens vegvesen
Registrer deg med din e-postadresse under for å få de nyeste sakene fra Statens vegvesen på e-post fortløpende. Du kan melde deg av når som helst.
Siste pressemeldinger fra Statens vegvesen
Gjennomslag i den første av fire tunnelar på nytt Sotrasamband25.4.2024 10:37:57 CEST | Pressemelding
10 månader etter at første salve ble avfyrt på vestsida av Kolltveit er det lys i begge endar av dei to løpa på Kolltveittunnelen.
Vegvesenet går for forenklet Strandlokk25.4.2024 09:07:04 CEST | Pressemelding
Statens vegvesen har oversendt endret planforslag til Bærum kommune. Løsningen innebærer et forenklet lokk ved Strand.
389 passasjerer registrert uten sikkerhetsbelte i buss24.4.2024 11:17:11 CEST | Pressemelding
Totalt ble 4827 busspassasjerer kontrollert for bruk av belte i buss da Statens vegvesen gjennomførte landsdekkende kontroller sist uke.
Signerte kontrakt på siste strekning av E39 Betna-Stormyra23.4.2024 11:21:40 CEST | Pressemelding
Statens vegvesen og entreprenøren Bertelsen og Garpestad AS signerte mandag kontrakt på bygging av ny E39 mellom Stormyra og Staurset i Heim kommune.
Stenger sørgående løp i Glaskartunnelen neste helg22.4.2024 14:34:34 CEST | Pressemelding
Sørgående løp på E39 (mot Bergen) bli stengt helgen 3.- 6. mai, i forbindelse med oppgradering av Glaskartunnelen. Vegen skal graves opp, og Vegvesenet oppfordrer folk i nærområdet til å unngå kjøring og heller bruke kollektiv eller sykkel denne helgen.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom