Tenestetilbodet til trafikantane held fram i Larvik, Kragerø og Mandal

I november i fjor leverte Statens vegvesen sitt endelege forslag til ny tenestemodell og -struktur for tenesta på trafikant- og køyretøyområdet. Bakgrunnen er dei store endringane Statens vegvesen går gjennom, både som ein følgje av overføring av fylkesvegoppgåver til fylka og omstilling av etaten. No har regjeringa vurdert forslaga, og har konkludert med framtidig tenestestruktur.

Larvik, Kragerø og Mandal var tre av stadene kor tenestetilbodet var foreslått lagt ned, men som no likevel held fram med dagens tilbod. Særleg har omsyn til ungdom og lokalt næringsliv vært avgjerande i konklusjonen om at tilbodet her held fram.

- Førarkort og køyretøyteneste er viktige for svært mange, både privatpersonar, næringsverksemd og lokalsamfunn, rundt om i heile landet. Det er viktig for ungdom som skal ta førarkort at dette kan skje utan for lang reiseveg og for mye fråvær frå skule, og det er viktig for næringsaktørar innanfor bilbransjen at dei ikkje må frakte køyretøya unødig langt for å få gjennomført de tenesta dei skal, seier samferdselsministeren.