Sprenger vekk stein frå riksveg 13 i Hardanger

Tysdag for ei veke sidan gjekk det eit stort skred mellom Tyssedal og Stana. Store steinmassar vart likevel liggande igjen oppe i lausneeområdet, og etter eit mindre steinskred og mykje nedbør vart vegen stengd igjen måndag på grunn av fare for nye skred.

Planlagt operasjon

For å unngå ukontrollerte skred ved nye nedbørsperiodar skal det sprengast ned om lag 300 kubikk stein i kveld.

– Statens vegvesen gjer det vi kan for å halda vegen open. Stengningen av vegen har store konsekvensar for trafikantane og gir stor belastning på ferjesambanda. Grunnen til at vi ikkje har provosert fram skred tidlegare, er at det har vore mykje nedbør og skodde, slik at det ikkje har vore mogleg og forsvarleg å gjera dette tidlegare, seier byggeleiar Rolf Anders T. Svensson.

I kveld er det gode forhold for operasjonen, som involverer geolog, skytebas og klatrere. I tillegg er det gjort grundige førebuingar for å redusera risikoen for skadar på vegen og på naust i nærleiken.

Opning av vegen

I utgangspunktet blir venta vegen å vera stengt fram til klokka 12 torsdag, men Statens vegvesen vil opna vegen så snart han er forsvarleg rydda.

I mellomtida er det omkjøring via ferjesambanda Utne – Kvandal, Jondal –Tørvikbygd og Årsnes – Gjermundshavn. Berre det siste går på natta.

Rikveg 13 på Vikafjellet

I tillegg til utfordringane i Hardanger, er riksveg 13 på Vikafjellet lengre nord i Vestland stengt på grunn av skredfare. Skredsikringsarbeid pågår i området. Her vil det bli gjort ny vurdering av situasjonen fredag, og vegen vil vera stengt fram til då.