Amedia

Sølve Rydland tilsett i Avisa Nordhordland

Del

Sølve Rydland (37) er tilsett som ansvarleg redaktør og dagleg leiar i Avisa Nordhordland. Han kjem frå stillinga som redaksjonssjef og politisk kommentator i NRK Vestland, og vil tiltre i stillinga 15. august.

Ansvarleg redaktør Sølve Rydland, Avisa Nordhordland, Foto: Sindre Vik Helgheim/NRK
Ansvarleg redaktør Sølve Rydland, Avisa Nordhordland, Foto: Sindre Vik Helgheim/NRK

– Å få lov til å vera med på å utvikla Avisa Nordhordland vidare, ser eg på som ei utruleg spennande oppgåve. Eg har lese avisa sidan eg var liten, og har stor tru på at me kan laga ei avis som kan spela ei endå viktigare rolle i lokalsamfunnet. Saman med dei dyktige folka i redaksjonen ønskjer eg å laga ei avis som løftar fram endå fleire viktige historier frå regionen, men som òg greier å komma endå tettare på kvardagslivet til lesarane.

Sølve Rydland, som vaks opp i Knarvik, har jobba i NRK sidan 2005. Han har lang fartstid som politisk journalist, og har i tillegg jobba med sport og lengre digitale historier. Frå 2018 har han vore redaksjonssjef og politisk kommentator. Først i NRK Hordaland, seinare i NRK Vestland. Han er utdanna ved universitetet i Bergen og har ei bachelorgrad i samanliknande politikk. Han har også vore praktikant ved NRK Nynorsk Mediesenter.

– Eg brenn for den gode lokaljournalistikken, og ser verkeleg fram til å komma heim til Nordhordland for å vera med på å utvikla avisa. I tillegg til at me må bygga vidare på den solide jobben som allereie vert gjort, trur eg det er eit potensial i å styrka satsinga på lokalpolitikken, komma tettare på det interessante næringslivet, og ikkje minst synleggjera den imponerande innsatsen som vert gjort innanfor frivillig arbeid, kultur og idrett i regionen. Eg opplever det som inspirerande at Amedia signaliserer at dei ønskjer å styrka satsinga på avisa, og gler meg veldig til å få vera med på dette prosjektet.

Styreleiar i Avisa Nordhordland, Svein Atle Huus, seier han er svært glad for at Rydland har takka ja til jobben. 

– Med hans solide erfaring innan journalistikk og redaksjonell leiing, klare tankar om korleis han vil utvikle avisa vidare og hans store engasjement for Nordhordland som region, så har eg stor tru på at han vil lykkast med å løfte Avisa Nordhordland vidare og ytterlegare styrke avisa sin posisjon i regionen, seier Huus.





Kontakter

Ansvarleg redaktør Sølve Rydland, telefon 952 40 957

Styreleiar Svein Atle Huus, telefon 951 98 504

Bilder

Ansvarleg redaktør Sølve Rydland, Avisa Nordhordland, Foto: Sindre Vik Helgheim/NRK
Ansvarleg redaktør Sølve Rydland, Avisa Nordhordland, Foto: Sindre Vik Helgheim/NRK
Last ned bilde

Om Amedia

Amedia
Amedia
Akersgata 34
0107 Oslo

22 00 90 00http://www.amedia.no

Amedia er landets største utgiver av lokale medier. Daglig når konsernets medier 1,9 millioner lesere.

Amedias redaksjonelle medarbeidere er hver dag til stede i lokalsamfunn over hele landet for å rapportere om det som skjer. Samtidig bidrar våre selgere til å skape lokale markedsplasser gjennom å koble lokale næringsdrivende med kunder. Sammen dekker disse funksjonene vårt samfunnsoppdrag i alle lokalesamfunn hvor Amedia er til stede. Verdiene som ligger til grunn for Amedias tolking av samfunnsoppdraget finner man i vår forretningsidé og vår utgivererklæring.

Følg pressemeldinger fra Amedia

Registrer deg med din epostadresse under for å få de nyeste sakene fra Amedia på epost fortløpende. Du kan melde deg av når som helst.

Siste pressemeldinger fra Amedia

I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.

Besøk vårt presserom