Satsar på velferdsteknologi i helse- og omsorgssektoren
Det er Kompetanse Noreg som administrerer ordninga, og denne gangen er det tre ulike prosjekt ved Fagskolen i Østfold, Fagskolen i Hordaland og Fagskolen AOF Haugaland som mottek midlar.
Helse- og omsorgssektoren er ein bransje der endringar og teknologiutvikling skjer i eit høgt tempo. Bransjeprogrammet skal føre til at fleire tilsette, spesielt dei utan fagutdanning og fagarbeidarar, kan få relevante tilbod om opplæring heile livet. Det har vore ein høg prioritet å finne fleksible ordningar som kan kombinerast med jobb og familie.
– Vi ser at det er eit veksande behov for kvalifisert arbeidskraft og kompetanse innanfor helse- og omsorgssektoren. Bransjeprogrammet skal vere med på å styrke satsinga på velferdsteknologi, noko som også skal gje ein betre kvardag for både tilsette og pasientar, seier seksjonsleiar Margrethe Marstrøm Svensrud.
Den auka bruken av lokaliseringsteknologi (GPS), tryggleiksalarm, elektronisk journal, nettbrett og andre digitale verktøy er døme på endringar som krev ny eller oppdatert kompetanse. I dag blir stadig fleire pasientar følgt opp heimanfrå ved hjelp av ulike teknologiske hjelpemiddel som nettbrett, digitale behandlingar og automatiske medisinpumper. Dette sparar både sjukehusinnleggingar og store summar, men fordrar større kompetanse hos helsepersonell.
– Helse- og omsorg er ein bransje med mykje skiftarbeid. Vi har derfor vore opptekne av å få på plass korte og fleksible utdanningstilbod på ulike nivå for denne gruppa. Bransjeprogrammet har som mål å styrke samarbeidet mellom partane i arbeidslivet og utdanningstilbydarane, slik at vi får ein betre match mellom tilbod og etterspurnad når det gjeld kompetanse, opplyser Svensrud.
Totalt er det sett av 30 millionar kroner i statsbudsjettet for 2019 til to bransjeprogram for bransjar som er særleg utsett for omstilling, nemleg industri og byggjebransje, i tillegg til helse og omsorgssektoren.
– Kompetanse Noreg har ei operativ rolle der vi blant anna skal fordele 30 millionar kroner til dei ulike aktørane som skal delta i programma. Kompetanse Noreg har lenge ynskja av å få ordninga med eit offentleg finansiert tilbod på plass. Vi ynskjer også å evaluere ordninga i framtida, og er spente på å måle effekten av satsinga, fortel Svensrud.
Meir om prosjekta som mottek midlar:
Fagskolen i Østfold mottek i samarbeid med utvalde kommunar 3,5 millionar kroner. Desse skal brukast til å utvikle 6 modular på ti studiepoeng innan klinisk observasjons- og vurderingskompetanse. Dette innanfor moglege tema som hygiene og smittevern, observasjons- og vurderingskompetanse, velferdsteknologi, digitalisering og e-helse og kvardagsrehabilitering.
Fagskolen i Hordaland får i samarbeid med utvalde kommunar 3,5 millionar kroner. Desse skal gå til utvikling av 6 moduler på ti studiepoeng. I Hordaland vil moglege tema være velferdsteknologi og mennesket, digitalisering og e-helse, velferdsteknologi i helsetenesta og empowerment/myndiggjering
I tillegg får Fagskolen AOF Haugaland i samarbeid med utvalde kommunar 750 000 kroner til å utvikle ein modul innan palliativ omsorg.
Fakta om bransjeprogrammet:
Partane i arbeidslivet har signert ein avtale om eit felles bransjeprogram om kompetanse i industri og byggjenæringa, og i den kommunale helse- og omsorgstenesta.
Bransjeprogrammet skal vere eit spleiselag der staten betalar for å utvikle og drive tilboda, medan verksemdene investerer eigne ressursar og den tilsette investerer noko av fritid si for å heve kompetansen sin.
Bedrifter melder om eit aukande behov for tilsette med yrkesfagleg- og fagskuleutdanning, og bransjeprogrammet vil difor prioritere opplæring og utdanning til dei med mindre utdanning og fagarbeidarar.
Kontakter
Kontakt gjerne:
Helena Sæter, seniorrådgjevar kommunikasjon, 93 43 33 02 helena.sater@kompetansenorge.no
Bilder
Om Direktoratet for høyere utdanning og kompetanse (HK-dir)
Postboks 1093
5809 Bergen
55 30 38 00http://www.hkdir.no
Direktoratet for høgare utdanning og kompetanse (HK-dir) vart etablert 1. juli 2021, og er underlagt Kunnskapsdepartementet. Direktoratet er eit resultat av samanslåinga av Diku, Kompetanse Norge, Universell og deler av Unit og NSD. Direktoratet vil også få oppgåver frå NOKUT.
Direktoratet har eit samla, nasjonalt ansvar for forvaltningsoppgåver innan høgare utdanning, høgare yrkesfagleg utdanning og kompetansepolitikk. Vi er fagleg rådgjevar for Kunnskapsdepartementet, set i verk politikken og samordnar verkemidla.
Direktoratet skal bidra til å utvikle kvaliteten i utdanning og opplæring, styrke det internasjonale samarbeidet og bidra til digital omstilling av universitet og høgskolar. Vi jobbar for å løfte kompetansen i befolkninga, gjere utdanning og opplæring av høg kvalitet tilgjengeleg for alle heile livet, og sikre arbeidslivet tilgang på kompetent arbeidskraft.
Følg pressemeldinger fra Direktoratet for høyere utdanning og kompetanse (HK-dir)
Registrer deg med din e-postadresse under for å få de nyeste sakene fra Direktoratet for høyere utdanning og kompetanse (HK-dir) på e-post fortløpende. Du kan melde deg av når som helst.
Siste pressemeldinger fra Direktoratet for høyere utdanning og kompetanse (HK-dir)
Rekordmange norske studenter dro på utveksling22.2.2024 12:31:03 CET | Pressemelding
I fjor dro 8085 norske studenter på utvekslingsopphold i utlandet, opp fra 7175 året før. Særlig Australia er blitt et populært reisemål for norske studenter.
Nå kan du søke studieplass1.2.2024 09:02:32 CET | Pressemelding
1. februar åpnet søkingen til over 1800 studier hos Samordna opptak. I år tilbys det rekordmange studieplasser.
– Eit løft i finansnæringa er spesielt viktig akkurat no5.12.2023 09:00:00 CET | Pressemelding
Tilsette i finansnæringa skal kunne tileigne seg oppdatert kompetanse gjennom relevante og skreddarsydde etter- og vidareutdanningstilbod.
Millionpris til Fagskolen Kristiania9.11.2023 09:37:23 CET | Pressemelding
Fagskolen Kristiania mottok utdanningskvalitetsprisen for høyere yrkesfaglig utdanning 2023 for sitt arbeid med å øke studentenes refleksjons- og samarbeidskompetanse i studiet Reklame og merkekommunikasjon. Prisen er på en million kroner.
40 prosent ville valgt en annen utdanning29.8.2023 10:10:26 CEST | Pressemelding
Fire av ti voksne ville valgt en annen utdanning om de skulle valgt på nytt i dag. Det viser en fersk kartlegging av voksnes utdannings- og yrkesvalg.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom