Sámi musihkkárat Venezia Biennale-dáhpáhussii
Emil Kárlsen, Lávre ja Hildá Länsman leat golbma erenoamáš musihkkára ja gullet sámi artisttaid nuorat buolvva eanemus gelddolaš jienaid gaskkii, ja sii leat buohkat juoigit.
Dát golbma artista galget čuojahit aabaakwadis, mii lea eamiálbmotláidestuvvon prográmmadáhpáhus oassin Sámi Paviljonga viiddiduvvon prográmmas 59. Riikkaidgaskasaš Venezia Dáiddabiennales. aabaakwad ovdandivvu čájálmasaid, ságastallamiid, poesiija ja musihka. Emil Kárlsen, Lávre ja Hildá Länsman galget čuojahit Conservatorio di Musica Benedetto Marcello di Venezia nammasaš báikkis gos Jeremy Dutcher ja Kulleh Comrade maiddái čuojaheaba.
Emil Kárlsen (23) lea mearrasámi artista, musihkkár, lávllačálli, buvttadeaddji ja neavttár Davvi-Norggas eret. Son čállá ja lávlu davvisámegillii, nuohtalaš vokálain ja poehtalaš sániiguin čuldojuvvon bohraideaddji jietnailbmái. Su vuosttašskearru “Nagirvárri” ilmmai mannán jagi.
Hildá Länsman (28) lea juoigi Ohcejogas Davvi-Suomas eret. Su musihkalaš vuohki ovttasta árbevirolaš ja ođđaáigásaš elemeanttaid ja son ovdanloaiddasta sierralunddot eteralaš ja čielga jienain. Son lea lávlu moanat sámi musihkkajoavkkus maid árvvoštallit leat rámidan: Solju, VILDÁ, Gájanas ja ovttasbargoprošeavttas Tuomas Norvioin.
Lávre Johan Eira (21) lea sámi gilis Guovdageainnus Davvi-Norggas eret. Su musihkalaš ovdanbuktin lea nannosit čadnon luohtái, ja lea aŋkke universála ja innovatiiva. Son hábme atmosfearalaš jietnaduovdaga mii guorahallo gelddolaš seaguhusain luođis, meditatiivvalaš gitárdronemiin ja imašlaš sátnemáilmmiin.
“Lea nu hávski oaidnit ahte sámi dáidda viimmat olaha fuomášumi dáiddamáilmmis. Vásihit dán golbma artistta konsearttas addá liige dimenšuvnna sámi kultuvrii ja dáidagii,” lohká Riddu Riđđu festiválajođiheaddji, Sandra Márjá West.
Vuosttaš geardde historjjás rievdá davviriikkalaš paviljonga Venezias sámi paviljongan prošeavttain man Office for Contemporary Art Norway (OCA) lea vuolggahan ovttas Moderna Museet ja Kiasma dálááigge dáidagiid musea/ Suoma nationálagalleriija Helssegis, Suomas, mii ovdandivvu sámi dáiddáriid Pauliina Feodoroff, Máret Ánne Sara ja Anders Sunna La Biennale di Venezia 59. riikkaidgaskasaš dáiddačájáhusas jagis 2022. Davviriikalaš paviljonga rievdan ávvuda eamiálbmoga, sápmelaččaid, dáidaga ja sorjjasmeahttunvuođa.
Hildá, Lávre ja Emil Kárlsena čuojaheamit leat oassin sámi paviljonga almmolaš prográmmas ja Riddu Riđđu lea kuráhtorin das. Ovttasbargoguoimmit leat OCA Norway, Music Norway ja Norgga Sámediggi.
Nøkkelord
Kontakter
Sandra Márjá WestFestivalsjef
Tel:+47 93 40 83 55sandra@riddu.noBilder
Om Riddu Riđđu Festivála
Riddu Riđđu Festivála:
Riddu Riđđu lea riikkaidgaskasaš eamiálbmotfestivála Gáivuonas, Davvi-Norggas. Riddu Riđđu čalmmustahttá mearrasámi ja sámi kultuvrra, ja lassin bovde vel eamiálbmot artisttaid miehtá máilmmi ovdanbuktit dáidagiiddiset ja kultuvrraset. Prográmma lea ebmui ja sisttisdoallá konsearttaid, bargobájiid, semináraid, filmmaid, girjeságastallamiid, dáiddačájáhusaid, mánáidfestivála ja nuoraidprográmma. Juohke jagi buvttada festivála rádjerasttildeaddji diŋgojuvvon konsearttaid ja festiválas lea ovdánahttinprográmma nuorra sámi dáiddáriidda. Riddu Riđđu lea stuorimus sámi festivála ja Eurohpa stuorimus eamiálbmotfestivála.
Office for Contemporary Art Norway (OCA):
Office for Contemporary Art Norway (OCA) lea mielhálddašeaddji Davviriikkalaš paviljongas Venezias, ja jođiha kuraterenbarggu paviljongas 2022:s. OCA lea hybrida dáiddaásahus mii doarjala dáiddáriid geat ásset Norggas ja Sámis, maid Norgga Kultuvra- ja Olgoriikadepartemeanttat lea ásahan 2001:s. OCA bargá ovddemusat guovtti áššiin; kuráhtorbargguin (nu go čájáhusaid, dutkanmátkkiid, girjjiid ja digaštallamiid), ja maiddái doarjagiid hálddašit (juolludit stipeanddaid ja doarjalit dutkanmátkkit ja dáiddárorrumiid) mat movttiidahttet lonohallamiid internationála dáiddaarenain. OCA lea álggahan lagaš oktavuođa davviguovlluiguin dan áigodaga go Katya García-Antón leamaš direktevra, jorgalit vulos oivviid dábálaš jurddašeami ja čujuhit davviguovlluide ja Sápmái dehálaš sadjin gos jurddašeapmi hohpolaš áššiid birra dáidagis jođánit ovdánahttet, nu mo luonddubirrasa, sosiála vuoiggalašvuođa ektui. OCA prográmma ulbmil lea čatnat kreatiiva oktavuođaid mat burget koloniála ja standárda dálá ja vássánáiggiid, maiddái dat mat gávdnojit ásahusa iežas struktuvrraid siste, hutkan dihtii ođđa vugiid eallit ja dahkat boahtteáiggis. https://oca.no
Følg pressemeldinger fra Riddu Riđđu Festivála
Registrer deg med din e-postadresse under for å få de nyeste sakene fra Riddu Riđđu Festivála på e-post fortløpende. Du kan melde deg av når som helst.
Siste pressemeldinger fra Riddu Riđđu Festivála
Sámepolitihkalaš presideantadigaštallan dán jagi Riddu Riđđus25.6.2025 07:29:49 CEST | Pressemelding
Gáivuona eamiálbmotfestivála čalmmustahttá 2025 sámediggeválgga.
Samepolitisk presidentdebatt på årets Riddu Riđđu25.6.2025 07:27:31 CEST | Pressemelding
Urfolksfestivalen i Kåfjord setter sametingsvalget 2025 på dagsorden.
Ođđa festiválabuvttadeaddji Riddu Riđđu festiválas4.6.2025 07:00:00 CEST | Pressemelding
Ann Cecilie Hætta álgá festiválabuvttadeaddjin riikkaidgaskasaš eamiálbmotfestiválii Riddu Riđđui, suoidnemánu 1. beaivvi.
Ny festivalprodusent på Riddu Riđđu Festivála4.6.2025 07:00:00 CEST | Pressemelding
Ann Cecilie Hætta starter som festivalprodusent hos den internasjonale urfolksfestivalen Riddu Riđđu, 1. juli.
Dá lea Dán jagi nuorra dáiddár 2025 Riddu Riđus8.4.2025 07:00:00 CEST | Pressemelding
ElleMina Kuoljok Baer (25) Johkamohkis eret lea nammaduvvon "Dán jagi nuorra dáiddárin" Riddu Riđus.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom