Avtalen, som vil tre i kraft frå 1. januar 2021, legg til rette for fiskerisamarbeid om kontroll, lisensiering og forsking. I tillegg gir den partane høve til å avtale gjensidig rett til kvarandre sine fiskerisonar og til byte av fiskekvotar.

I forkant av signeringa vil det vere eit videomøte mellom fiskeri- og sjømatminister Odd Emil Ingebrigtsen og den britiske kollegaen hans, George Eustice. Signeringa vil finne stad i London, der Noregs ambassadør til Storbritannia, Wegger Chr. Straumen, og George Eustice signerer avtalen. Den britiske ambassadøren til Noreg, Richard Wood vil vere til stades i Nærings- og fiskeridepartementet under signeringa.

Det blir høve til fotografering i lokala til Nærings- og fiskeridepartementet i Kongens gate 8 i Oslo. Påmelding: media@nfd.dep.no

Fiskeri- og sjømatminister Odd Emil Ingebrigtsen vil vere tilgjengeleg for kommentar i etterkant av signeringa.