Over 11 millionar til kulturminne

Frå 1. januar til mars har Kulturminnefondet behandla 600 søknadar med samla søknadsbeløp på 165 millionar kroner. Fordelinga på landsbasis viser at dei fleste av landets kommunar er representert, med 204 kommunar så langt i år.

– Prosjekt som er støtta av Kulturminnefondet skapar store ringverknader lokalt. Erfaringar viser at det i stor grad vert nytta lokale handverkarar og materialar. Ei krone frå Kulturminnefondet fører til tre og ei halv krone i samla innsats for å bevara kulturminnet. Ikkje berre for å at det skal bergast, men også for at det skal brukast og fylle viktige funksjonar også inn i framtida, seier direktør Simen Bjørgen i Kulturminnefondet.

Kulturminnefondet behandlar søknadar fortløpande. Private eigarar kan dermed når som helst søkja Kulturminnefondet om stønad til istandsetting av sitt verneverdige kulturminne, det seg væra hus og bustad, fartøy, kulturlandskap og hageanlegg.

Hittil i 2020 har Kulturminnefondet gjeve tilsegn om 37.170.000 kroner til heile 225 kulturminneprosjekt over heile landet. Prosjekta strekk seg frå det store, som ein million kroner til eit gamalt butikklokale med kontor og leilegheiter i Jens Zetlitz’ gate i Stavanger, til 15.000 kroner til ei tradisjonshandverkssamling hjå Stiftinga Vest-Telemark museum.

Sjå vedlagde liste for komplett oversikt over alle fylke for januar-mars 2020.

Fylkesoversikt for mars:

Fylke	Tilsagnsbeløp
Troms og Finnmark	708 000
Nordland	226 000
Trøndelag	946 000
Møre og Romsdal	271 000
Vestland	1 011 000
Rogaland	335 000
Agder	3 031 000
Vestfold og Telemark	254 000
Innlandet	2 205 000
Viken	1 402 000
Oslo	909 000
11 298 000