Opner riksveg 13 i Hardanger i kveld etter vellukka sprengning

Vegen stengde etter eit større steinskred tysdag førre veke, og vegen måtte stenga igjen måndag på grunn av framleis skredfare. Dette har ført til lange køar på ferjesambanda på omkøyringsvegane.
– Geologen er veldig fornøgd med resultatet. Steinblokkene på rundt 300 kubikk har komme ned, og vi ser ut til å ha unngått skadar på vegen. Det betyr at vegen kan opnast igjen allereie i kveld, seier byggeleder Rolf Anders T. Svensson i Statens vegvesen.
Han roser både entreprenørane og alle som har vore med på å gjennomføra operasjonen, i tillegg til rundt 20 trafikkdirigentar og andre som har hatt den tøffe jobben med å gi råd om omkjøring til dei mange tusen frustrerte trafikantane.
– Vi er derfor veldig glad for at vegen kan opnast igjen i kveld, seier Svensson.
Sjekk trafikkmeldingane på 175.no for oppdatert informasjon om når vegen opnar. I første omgang vil det vera ledebilkøyring på strekning.