Opnar for Bybanen over Bryggen
Mellomalderbyen Bergen, med arkeologiske kulturlag, ruinar og kyrkjer frå mellomalderen, kulturlag frå Bergens etterreformatoriske historie, og verdsarvstaden Bryggen er kulturmiljø med stor nasjonal og internasjonal verdi.
- Riksantikvaren opnar for Bybanen over Bryggen, forutsett at attverande usikkerheit blir redusert og at dei negative verknadene ikkje er i konflikt med Mellomalderbyen Bergen og verdsarvverdiane, seier riksantikvaren Hanna Geiran.
Usikkerheita er omtala i NIKU sin rapport, KUVA-rapporten og rapporten frå den rådgjevande synfaringa til UNESCO. Her kjem det fram at det er behov for ytterlegare utgreiingar og tiltak. Både KUVA-rapporten og rapporten frå den rådgjevande synfaringa trekk fram at Bybanen kan forbetre dagens situasjon framfor Bryggen, men at det er for tidleg å konkludere. Det er Riksantikvaren samd i.
- Riksantikvaren er einig i anbefalingane i rapporten frå NIKU, frå UNESCOs rådgjevande synfaring og KUVA-rapporten. Dei konkluderer med at det er behov for ytterlegare utgreiingar og tiltak for å redusere attverande risiko, usikkerheit og negative verknader, seier riksantikvar Hanna Geiran.
Viktig klimatiltak
Bybanen er viktig for Bergen, og er det største klimatiltaket Bergen kommune gjennomfører for å styre mot eit lågutslepp-samfunn. Bygningane på Bryggen og Hanseatisk museum er eit minne om ein av dei største handelsbyane og -hamnene i Nord-Europa. Riksantikvaren meiner kommunen har arbeidd godt, og det er lagt ned mykje arbeid i å greie ut konsekvensar for kulturmiljøverdiane. Kommunen sine utgreiingar og rapportane som ligg føre syner likevel at det framleis er knytt usikkerheit til Bybanen sin verknad på kulturmiljøverdiane.
Ikkje utan risiko
Ein vil aldri klare å bli kvitt all usikkerheita kring ei utbygging av Bybanen gjennom Mellomalderbyen og over Bryggen, men det er framleis nødvendig å betre planen slik at ei gjennomføring er så risikofri som mogleg. Noreg må svare ut krava i UNESCO sin rapport, og til slutt er det opp til verdsarvkomiteen å vurdere om krava er oppfylt og om verdsarven er truga.
Riksantikvaren ber difor Vestland fylkeskommune reise motsegn mot forslag til reguleringsplan for Bybanen og hovudsykkelrute frå sentrum til Åsane med forlenging av Fløyfjellstunnelen for å få på plass ytterlegare utgreiingar og tiltak.
Les brevet frå Riksantikvaren til Vestland fylkeskommune her.
Nøkkelord
Kontakter
PressevaktRiksantikvarenIkke send sms, telefonen viderekobles.
Telefonen er betjent i vanlig kontortid.
Bilder
Lenker
Om Riksantikvaren
Riksantikvaren er et direktorat underlagt Klima- og miljødepartementet, og vi er departementets rådgiver i alle saker som gjelder kulturminner og kulturmiljø. Riksantikvaren er den overordnete kulturminnemyndigheten og ansvarlig for å sette i verk den nasjonale kulturminnepolitikken. Vi har et faglig ansvar overfor kommunene, fylkeskommunene, Sametinget, Sysselmannen på Svalbard og forvaltningsmuseene på kulturminnefeltet.
Følg pressemeldinger fra Riksantikvaren
Registrer deg med din e-postadresse under for å få de nyeste sakene fra Riksantikvaren på e-post fortløpende. Du kan melde deg av når som helst.
Siste pressemeldinger fra Riksantikvaren
Reiser motsegn mot oppdrettsanlegg i verdsarvfjell18.3.2024 06:30:00 CET | Pressemelding
Riksantikvaren reiser motsegn mot eit planlagt oppdrettsanlegg i Raudbergvika i Fjord kommune i Møre og Romsdal. - Anlegget kjem klart i konflikt med verdsarvverdiane for Vestnorsk fjordlandskap, seier riksantikvar Hanna Geiran.
8,5 millioner i tilskudd til kirkekunst7.3.2024 08:20:31 CET | Pressemelding
Riksantikvaren har fordelt 6, 5 millioner i tilskudd til konservering av kirkekunst i 2024, og 2 millioner i tilsagn for 2025.
- No er det kysten sin tur5.3.2024 12:35:02 CET | Pressemelding
Riksantikvaren har sendt forslag til bevaringsstrategi for kystens kulturmiljø på høyring. Strategien skal være eit verktøy for å nå nasjonale mål på kulturmiljøfeltet.
Gleder seg til å løfte kirkene sammen21.2.2024 10:30:00 CET | Pressemelding
Programstyret for det nye kirkebevaringsfondet på 10 milliarder ser fram til å fordele penger til landets fredete og listeførte kirkebygg.
Tar vare på Norges eldste byggverk19.2.2024 07:00:00 CET | Pressemelding
Årets tilskudd til middelalderbygg i tre og tilskudd til ruiner er fordelt fra Riksantikvaren.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom